ގދ. ތިނަަދޫ ޕޯސްޓް އޮފީސް ފަޅާލާ ގިނަ އަދަދެއްގެ ޕާރްސަލްތަކެއް ވަގަށް ނެގި މީހަކު ހައްޔަރު ކޮށްފިއެވެ.

ފުލުހުންގެ މީޑިއާ އޮފިޝަލު ވިދާޅުވީ އެމައްސަލައާއި ގުޅިގެން ޕޯސްޓް އޮފީހުން ވަގަށް ނެގި އެއްޗެހި ކަމަށް ޝައްކު ކުރެވޭ އެއްޗެހިތަކަކާއެކު މިއަދު ހެނދުނު 10:20 ގައި އުމުރުން 30 އަހަރުގެ ދިވެހި ފިރިހެނަކު ހައްޔަރު ކޮށްފައިވާ ކަމަށެވެ.

ތިނަދޫ ޕޯސްޓް އޮފީސް ފަޅާލި މީހުންވަނީ އެއޮފީހުގެ ތިޖޫރީވެސް ފަޅާލަން މަސައްކަތް ކޮށްފައެވެ. ނަމަވެސް އެމަސައްކަތް ވަނީ ނާކާމިޔާބުވެފައެވެ.

ފުލުހުން ދަނީ މިމައްސަލަ ތަހުގީގު ކުރަމުންނެވެ.