ކުރީގެ ނައިބު ރައީސް އަހުމަދު އަދީބު އަބްދުލްޣަފޫރް 15 ދުވަހަށް ޖަލު ބަންދުގައި ބެެހެއްޓުމަށް ކްރިމިނަލް ކޯޓުން އަމުރު ކޮށްފިއެވެ. 

އެނގިފައިވާ ގޮތުގައި އަދީބު ބަންދު ކުރަން އަމުރުކުރީ، އޭނާ އަނެއްކާވެސް ފިލާފާނެ ކަމުގެ އިހްތިމާލް އޮތުމުންނާއި، އޭނާގެ މައްޗަށް ކުރެވޭ ތުހުމަތުތަކެއްގެ ހެކި ހުރުމުންނެވެ. 

އަދީބު އާއި ގުޅޭގޮތުން ތަހުގީގު ކުރެވެމުން އަންނަނީ، އެމްއެމްޕީއާރްސީ ގެ ޚިޔާނާތުގެ މައްސަލައާއި އެފައިސާ ލޯންޑަރ ކުރި މައްސަލައެވެ. މިދެކަމަށް ވެސް އޭނާ ކުރިން އިއުތިރާފު ވެފައިވާ ކަމަށް ރޭގައި ބަންދުގެ މުއްދަތު ޖެހުމަށް ބޭއްވި އަޑުއެހުމުގައި ވަނީ ހާމަ ވެފައެވެ.