އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 56 ސިކުންތު
މީގެ ފަސް އަހަރު ކުރިން ވަގަށް ނަގައިގެން ގެއްލުވާލާފައިވާ މިނިވަން ނޫހުގެ ނޫސްވެރިޔާ އަހުމަދު ރިޞްވާން ވަގަށް ނެގި މީހުން، ހެއްކާއެކު ހޯދިއްޖެ ކަމަށް ވީނުވީއެއް ނޭނގި ގެއްލިފައިތިބި މީހުންގެ މައްސަލަބަލާ ރިޔާސީ ކޮމިޝަންގެ ރައީސް ހުސްނުއްސުއޫދް ވިދާޅުވެއްޖެއެވެ.
ސުއޫދް މިއަދު ކުރެއްވި ޓްވީޓެއްގައި ވިދާޅުވެފައިވަނީ، ރިލްވާން ގެއްލުވާލުމުގައި ހަރަކާތްތެރިވި ބަޔަކު ހެއްކާއެކު ދެނެގަނެވިފައިވާ ކަމަށާއި އެމީހުންގެ މައުލޫމާތު އެއްމަސް ތެރޭގައި އާންމު ކުރުމާމެދު ވިސްނާ ކަމަށެވެ.
ސުއޫދް މިއަދު ކުރެއްވި ޓްވީޓެއްގައި ވިދާޅުވެފައިވަނީ ރިލްވާން ވަގަށް ނެގި މީހުން ހެއްކާއެކު ހޯދިފައިވީ ނަމަވެސް، އޭނާ ވަގަށް ނެގުމަށްފަހު އޭނާއާއިމެދު ކަންތައްކުރި ގޮތް އަދިވެސް ހޯދިފައި ނެތް ކަމަށެވެ. އަދި އެކަމާއި ގުޅޭގޮތުން ރިޔާސީ ކޮމިޝަނަށް އެކި ގޮތްގޮތުން ލިބުނު މައުލޫމާތުތައް ކަށަވަރު ކުރުމުގެ މަސައްކަތް ކުރަމުންދާ ކަމަށާއި އެކަމަކު މިހާތަނަށް ޔަގީން ކުރެވުނު ކަންކަމުގެ މައުލޫމާތު ރިލްވާންގެ އާއިލާއާއި ދާދިފަހުން ހިއްސާ ކޮށްފައިވާނެ ކަމަށް ވެސް ކޮމިޝަންގެ ރައީސް ވިދާޅުވެފައިވެއެވެ.
"މިކޮމިޝަނަށް ހުށަހަޅާފައިވާ ހުރިހާ މައްސަލަތަކެއްގެ ވެސް ހަގީގަތް ހޯދުމަށް ވެފައިވާ ވައުދު ފުއްދާނަން" ސުއޫދް ވިދާޅުވެފައިވެއެވެ.
It has been 5 years since Ahmed Rilwan Abdulla was abducted at knife point in front of his house. Rilwan and his family is entitled to know what happened to him. @DdcomMdv
— Husnu Al Suood (@hsuood) August 8, 2019
has shared its latest findings with the family about two weeks ago. (1/3)
Advertisement
8 އޮގަސްޓް 2019