ރާއްޖޭގެ ސިވިލް ސަރވިސްގެ ވަޒީފާ މިހާރަށްވުރެ އިތުރުކޮށްފިނަމަ ތަރައްޤީއަކަށް އެއްވެސް އެއްޗެއް ނޯންނާނެ ކަމަށް އެމްޑީޕީގެ ރައީސް، ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.

އެމްޑީޕީގެ ޒުވާނުންގެ ކޮންގްރެސްގައި ރައީސް ނަޝީދު ވިދާޅުވީ އައިސްލޭންޑަކީ ރާއްޖެއާއި އެއްވަރު އާބާދީއެއް ޤައުމެއް ކަމަށާއި ސިވިލް ސަރވިސްގައި ތިބީ 7000 މުވައްޒިފުން ކަމަށެވެ. ނަމަވެސް ރާއްޖޭގައި މިހާރުވެސް 32000 މުވައްޒިފުން އެބަތިބި ކަމަށާއި ބިލިއަނަކަށްވުރެ ގިނަ ރުފިޔާ މުސާރައަށް ޚަރަދުވާ ކަމަށެވެ. އެހެންކަމުން ފެނާއި ކަރަންޓަށް ކެނޑުމުން ތަރައްޤީއަށް އެއްވެސް އެއްޗެއް ނުއޮންނާނެ ކަމަށެވެ.

އައިސްލަންޑުގެ ކެބިނެޓުގައި ތިއްބަވަނީ 9 ވަޒީރުންނެވެ. ޕާލަމެންޓްގައި ތިއްބަވަނީ 63 މެންބަރުންނެވެ. ސިޔާސީ މަޤާމުތަކުގެ ޖުމުލަ މުޅި ސަރުކާރުގައި ހިމެނެނީ 130 އެވެ.