އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 5 ސިކުންތު
ދިވެހިރާއްޖޭގެ ސުޕްރީމް ކޯޓުގެ ފަނޑިޔާރުކަމަށް ރތައީސުލްޖުމްހޫރިއްޔާ ޖޭއެސްސީއަށް ނަން ފޮނުއްވި ޑރ. އަޒްމިރަލްދާ ޒާހިރު އާއި އައިޝަތު ޝުޖޫން މުހައްމަދު ސްޕްރީމް ކޯޓުގެ ފަނޑިޔާރުކަމަށް ޢައްޔަނުކުރަން މަޖިލީހުން ފާސްކޮށްފިއެވެ.
ޑރ.އަޒްމިރަލްދާ އާއި ޝުޖޫނަސް ރުހުން ދިނުމަށް ފާސްކުރީ 62 މެންބަރުންގެ ވޯޓުންނެވެ. ނުފެންނަ ކަމަށް ވަނީ 1 މެންބަރުން ވޯޓު ދެއްވާފައެވެ. ވަކި ގޮތަކަށް ވޯޓު ނުދީ އެއް މެމްބަރަކު އިންނެވިއެވެ.
ސުޕްރީމް ކޯޓަށް ޑރ. އަޒްމިރަލްދާ އަދި ޝުޖޫން އައްޔަން ކުރަން ފެންނަ ކަމަށް މަޖިލީހުގެ ޖުޑިޝަރީ ކޮމިޓީއިން ވަނީ ފާސްކޮށްފައެވެ.
ޑރ. އަޒްމިރަލްދާ ޒާހިރު ވަނީ މީގެ ކުރިން ހައިކޯޓުގެ ފަނޑިޔާރުކަން ކުރައްވައިފައެވެ. އިސްތިއުފާ ދެއްވީ ހައިކޯޓުގެ އައްދޫ ގޮތްޕަށް ބަދަލުކުރުމުންނެވެ. ޝުޖޫން ވަނީ ސިވިލްކޯޓުގެ ފަނޑިޔާރުކަމާއި އެކޯޓުގެ އިސް ފަނޑިޔާރުކަންވެސް ކުރައްވައިފައެވެ.
Advertisement
3 ސެޕްޓެމްބަރ 2019