މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަޙްޤީޤުކުރާ ކޮމިޝަނުން މިމަހުގެ 1 ވަނަ ދުވަހުގެ ރިޕޯޓުގައި ޢާންމު ކުރައްވާފައިވާ މަޢުލޫމާތުތަކާއި ގުޅިގެން އެ ކޮމިޝަންގެ ބޭފުޅުންނާ، ސަލާމަތީ ޚިދުމަތްތަކާބެހޭ ކޮމިޓީން ބައްދަލުކުރުމަށް މިއަދު  ބޭއްވި ބައްދަލުވުން ވެސް ވަނީ ސިއްރުކޮށްފައެވެ.

ކޮމިޓީތައް ސިއްރުކުރަނީ ހަމަ ވަރަށް މުހިންމު ވެގެން ކަމަށް ބުނެ ބައްދަލުވުންތައް ސިއްރުކުރަމުން ގެންދިއަ ނަމަވެސް ސިއްރުކުރާ ބައްދަލުވުމެއްގައި ކުރެވުނު މަޝްވަރާއަކުން ކުރި އެއްވެސް ފައިދާއެއް އަދި މިހައިތަނަށް އެނގިފައެއް ނުވެއެވެ.

މިއަދުގެ ބައްދަލުވުން ބޭއްވިފައިވަނީ ވެސް 2 ފަހަރަށް ވަގުތުވެސް ލަސްކޮށްފައެވެ. މަރު ކޮމިޝަނުގެ މަސައްކަތްތަކާއިމެދު ވަރަށް ގިނަ ސުވާލުތައް މިހާރުވެސް ވަނީ އުފެދިފައެވެ.