"ޤާނޫނު ވަރަށް ސާފު. އަޅުގަނޑުމެން މިތިބީ ޤާނޫނީ އިމުގެ ތެރޭގަ. އެމްޑީއެންއަށް ފިޔަވަޅު އަޅަން މި ގޮވާލަނީ ޤާނޫނީ އިމުގެ ތެރެއިން. އެއިގެ (ޤާނޫނުގެ) ބޭރަކުން ނޫން. 

ޤާނޫނީ ފިޔަވަޅު އަޅަން ގޮވާލުންވެސް ބައެއް މީހުން މިދަނީ ކުށަކަށް! މިއީ ކޮންކަހަލަ ވިސްނުމެއްތޯ؟ ޢަޖައިބް! އެމްޑީއެން މަނާކުރޭ!"- ޝައިޚް ޢަލީ ޒައިދު 

މިއީ މިރޭ 10:10 ގައި ޝައިޚް ޢަލީ ޒައިދު ކުރައްވާފައިވާ ޓްވީޓެކެވެ. 

ޝައިޚް ޢަލީ ޒައިދުވެސް މަސައްކަތްކުރައްވާ ޤައުމީ ޔުނިވަރސިޓީން  މިއަދު ބުނެ އަންގާފައިވަނީ "ޔުނިވަރސިޓީގައި މަސައްކަތްކުރައްވާ އެއްވެސް ބޭފުޅަކު، މި މުޖުތަމަޢުގައި ބައިބައިވުން އުފައްދައި، އެއްބައަކު އަނެއް ބައަކާއިމެދު ރުޅިވެރިކަން އުފެދޭނެ ފަދަ ވާހަކަތައް މީސްމީޑިއާ އާއި، އެނޫންވެސް ވަސީލަތެއް މެދުވެރިކޮށް ފެތުރުން ހުއްޓުވުމަށްޓަކައި އަޅަންޖެހޭ އެންމެހައި ފިޔަވަޅުތައް އެޅުމަށް ސަރުކާރުން ޔުނިވާސިޓީގައި އެދިފައިވާ" ކަމަށެވެ. 

ޤާނޫނު ތަންފީޒުކުރުމަށް ގޮވާލުމުގެ ޙައްޤަކީ ކޮންމެ ދިވެހި ރައްޔިތަކަށްވެސް ލިބިގެންވާ ޙައްޤެކެވެ. ޤާނޫނު ތަންފީޒުކުރަން ގޮވާލުމަކީ "މުޖުތަމަޢުގައި ބައިބައިވުން އުފައްދައި، އެއްބައަކު އަނެއް ބައަކާއިމެދު ރުޅިވެރިކަން އުފެދޭނެ" ކަމަކަށް ވަނީ ކިހިނަކުންކަން ވަނީ އޮޅުން ބޮޅުމުގެ ތެރޭގައެވެ. 

Qaanoon v saafu. Alhugandumen mi thibee Qaanoonee imuge thereygai. #MDN ah fiyavalhu alhan mi govaalanee Qaanoonee imuge therein. eyge beyrakunneh noon!

Qaanoonee fiyavalhu alhan govaalun ves baeh meehun mi hadhanee kushakah! mee kon kahala visnumeh thoo?! Ajaaib.#BanMDN

— Ali Zaid (@alizaid1000) October 15, 2019