މިދިއަ ހުކުރު ދުވަހުގެ ޚުޠުބާގައި މަސްޖިދުލްއަޤްޞާ އާއި ހައްދު ފަހަނައަޅާފައިވާ ޔަހޫދީން ފޭރިގެންފައިވާ ބިންތަކުގައި ޔަހޫދީން ގެދޮރުވެރިކުރުވުން ހުއްޓުވަން ގޮވާލެއްވި މަސްޖިދުލްއަޤްޞާގެ އިމާމް ހައްދުފަހަނަ އަޅާފައިވާ ޔަހޫދީ ސިފައިން ހައްޔަރުކޮށްފި އެވެ. 

މައުލޫމާތު ލިބޭ ގޮތުން އިމާމް އިސްމާޢީލް ނަވާޙްޡާ ހައްޔަރުކޮށްފައިވަނީ ޗެކްޕޮއިންޓަކުން ބުދަ ދުވަހު ހެނދުނުއެވެ. ފަލަސްޠީނު ދައުލަތުން ބުނެފައިވަނީ މިއީ ދުރާލައި ރާވައިގެން ހިންގި ޖަރީމާއެއް ކަމަށެވެ. 

އިމާމްގެ އިތުރުން މިއަދުވެސް ގިނަ ބައަކު ހައްޔަރުކުރި ކަމަށްވެސް ރިޕޯޓްތައް ބުނެއެވެ.