މީސްތަކުންގެ އަބުރަކީ ޙުރުމަތްތެރި އެއްޗެއް ކަމަށާއި ރިޕޯޓެއްގެ ޒަރީޢާއިންވެސް ޙައްޤަކާނުލައި އެއްވެސް މީހެއްގެ އަބުރު ކަތިލެވިގެން ނުވާނެކަމަށް ޝައިޚް އިލްޔާސް ޖަމާލް ވިދާޅުވެއްޖެއެވެ. 

("فإن دماءكم وأموالكم وأعراضكم حرام.."متفق عليه "ފަހެ ހަމަކަށަވަރުން ތިޔަބައިމީހުންގެ ލެއާއި، މުދަލާއި، އަބުރު ވަނީ ޙުރުމަތްތެރިވެގެންނެވެ.") 

މިއީ މަރު ކޮމިޝަނުގެ ރިޕޯޓާއި ގުޅިގެން ޝައިޚް އިލްޔާސް ޖަމާލު ވިދާޅުވެފައިވާ ބަސްފުޅެކެވެ. 

އެ ރިޕޯޓާއި ގުޅިގެން ކުރީގެ ނައިބް ރައީސް، ޤާނޫނީ ވަކީލް ޑރ. މުޙައްމަދު ޖަމީލް އަޙްމަދު ވިދާޅުވީ ކޮމިޝަންގެ ރިޕޯޓަކީ ނިހާއީ ނިންމުމެއް ނޫން ކަމަށެވެ. އަދި ޑރ. ޝަހީމަކީ އެއްވެސް މީހެއްގެ ނަފްޞަށް އަނިޔާއެއް، ގެއްލުމެއް ދެއްވާނެ، އަދި އެފަދަ ކަމެއްގައި ބައިވެރިވެވަޑައިގަންނަވާނެ ބޭފުޅެއް ކަމަށް ޤަބޫލު ނުކުރައްވާ ކަމަށެވެ. 

ޑރ. ޝަހީމަކީ ރާއްޖެ ފަޚްރުވެރިވާ ފަދަ ޢާލިމެއް ކަމަށާއި އިތުބާރު ލިބިވަޑައިގެން ހުންނެވި ބޭފުޅެއް ކަމަށްވެސް ޑރ. ޖަމީލް ވަނީ ވިދާޅުވެފައެވެ.