ޖަލުގަ މަރުވާ ޤައިދީންގެ ޒިންމާ އުފުލަން ޖެހޭ މީހުން ދާނީ ނަރަކައަށް ކަމާއިމެދު ބައެއް މީހުން ސުވާލު އުފައްދައެވެ. 

މިކަމުގައި ބަލަންވީ ޖަލެއް ގުދަނެއް، ލޭބަރކްއާޓަރސްއެއް ނޫނެވެ. އަދި އަމިއްލަ ގެ ނަމަވެސް ޒިންމާ އޮތީ ހަމަ އެއް ގޮތަކަށެވެ. އެމީހަކު ހުރީ ތިމާގެ ފުރިހަމަ ބެލުމުގެ ދަށުގައިތޯއެވެ؟ ބޭސްފަރުވާ ކުރެވޭނެ ގޮތް ހަމަޖައްސައިދެވިފައިވޭތޯއެވެ؟ ބައްޔާއި ގުޅޭނެ ގޮތަށް ކެވޭނެ އިންތިޒާމު ހަމަޖައްސައިދެވިފައިވޭތޯއެވެ!

Prophet Mohammad ﷺ said,

A woman was tortured and was put in Hell because of a cat which she had kept locked till it died of hunger. Allah said to the woman, 'You neither fed it nor watered when u locked it up nor did u set it free to eat the insects of the earth.

 Bukhari 2365 

މިހަދީޘްފުޅުންއެނގިގެން މިދަނީ ބުޅާ ފަދަ ޖަނަވާރެއް ނަމަވެސް މިނިވަންކަމުން މަޙްރޫމްކޮށް ޗޭނުޖަހާފައި ބާއްވާނަމަ އެއަށް ބޭނުންވާ ކާނާ އާއި ބޯފެނާއި ހުރިހާ ތަކެއްޗެއް ހަމައަށް ފޯރުކޮށްދޭން ޖެހޭނެ ކަމެވެ. ނޫންނަމަ އެއެތި އަމިއްލައަށް ބިމުން ބިމުން ފަނިފަކުސަ ހޮވައި ކާން ފުރުޞަތުދޭން ޖެހޭނެ ކަމެވެ. އެކަން ނުކޮށްފިނަމަ އެމީހަކަށް އޮތީ ނަރަކައިގެ ގަދަފަދަ ޢަޛާބް ކަމެވެ. 

ވީމާ ޖަލުގައި ނަމަވެސް ގޭގައި ނަމަވެސް އެމީހެއްގެ ބެލުމުގެދަށުގައި ހުރި އެއްވެސް މީހަކަށް ކާން ބޯން ނުލިބިގެން ނުވަތަ ބޭސްފަރުވާ ނުކުރެވިގެން މަރުވެއްޖެ ނަމަ އެކަމުގެ ޒިންމާ އުފުލަން ނުޖެހިއެއް ނުދާނެއެވެ. ނަރަކަވަންތަ އަޅުން ކަނޑައަޅުއްވަވާނީ ﷲ ތަޢާލާއެވެ. އެއީ އެހެން އެއްވެސް ފަރާތަކަށް ލިބިގެންވާ ބާރެއް، އިޚްތިޔާރެއް ނޫނެވެ! ރަސޫލް (ޞޢވ) މިފަދަ މޭރުމުން ކަންކަން ޙަދީޘްފުޅު ކުރައްވަވާފައި އެވަނީ މިފަދަ ކަންކަމުގެ ސަބަބުން ނަރަކައަށް ވަންނަން ޖެހިދާނެކަން ބަޔާންކޮށް ދެއްވެވުމަށެވެ. ވީމާ މީސްތަކުންނަށް އޮތީ ރައްކައުތެރިވުމެވެ. 

- އިސްލާމީ ތިލަފަތުގެ ދަރުސަކުން