އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 47 ސިކުންތު
ކޮންމެ މީހެއްގެ ހިތުގައިވެސް ﷲ ތަޢާލާ އާއިމެދު ހިތުގައި ޔަޤީންކަން ބާއްވަން ޖެހޭ ކަންތައްތަކެއް އެބަހުއްޓެވެ! އެއިގެ ތެރެއިން 3،4 ކަމެއް މިއަދު ފާހަގަކޮށްލާނަމެވެ!
ފުރަތަމަ ކަމަކީ މުޞީބާތްތައް ކުރިމަތި ކުރައްވަވަނީ އަހަރެމެން ދެކެ ﷲ ތަޢާލާ ލޯބިފުޅުވެވޮޑިގަންނަވާތީ ކަމެވެ. އަހަރެމެންނަށް ﷲ ތަޢާލާ އާއި ދުރަށް ދެވޭތީ ކުއްތަންވުމަށް ބާރުއެޅުއްވެވުމަށް ކަމެވެ. މަގުން ކައްސާލައިގެން ދާތީ ތައުބާވެ ސީދާ މަގަށް އެޅުމަށް އެނގެވުމަށްޓަކައި ކަމެވެ.
ދެވަނަ ކަމަކީ އަހަރެމެންނާއި އެންމެ ގާތުގައި ﷲ ތަޢާލާ ވޮޑިގހެންވާ ކަމާއި އެހެން އެންމެން އަހަރެމެން ދޫކޮށް ދިއަ ނަމަވެސް ﷲ ތަޢާލާގެ ޙަޟްރަތުން އަހަރެމެން އެކަމަށް އެދޭހައި ދުވަހަކު ﷲ ތަޢާލާ އަހަރެމެން ދޫކޮށް ނުލައްވަވާނެ ކަމެވެ. ވީމާ އަބަދުވެސް އެންމެ ގާތް "ބެސްޓް ފްރެޑަކީ" ﷲ ތަޢާލާކަމުގައި ހަދާށެވެ!
ތިންވަނަ ކަމަކީ އަހަރެމެންގެ ބޭނުންތައް ފުއްދަވައި ދެއްވެވޭނެ ހަމައެކަނި ﷲ ތަޢާލާ ކަމެވެ. ދުނިޔޭގެ އެންމެން މީހަކަސް އެހީތެރިވާން ބޭނުންވި ނަމަވެސް ﷲ ތަޢާލާ އިރާދަ ނުކުރައްވަވައިފިނަމަ ހަމަ އެކަކަށް ވެސް ކޮށްދެވޭނެ އެއްވެސް ކަމެއް ނުއޮންނާނެ ކަމެވެ. ހަމަ އެއާއިއެކު އެހީވާނެ އެއްވެސް މީހަކު ނެތް ނަމަވެސް ﷲ ތަޢާލާ އިރާދަ ކުރައްވަވައިފިނަމަ ޙާޞިލު ނުކުރެވޭނެ އެއްވެސް ކަމެއް ނުއޮންނާނެ ކަމެވެ. ވީމާ ތިމާއަސް ކުރިމަތިވާ ކަންކަމުގެ ވާހަކަ ގިނަގިނައިން ﷲ ތަޢާލާގެ ޙަޟްރަތުގައި ދަންނަވާށެވެ!
ހަތަރުވަނަ ކަމަކީ ﷲ ތަޢާލާގެ ހަޟްރަތުން އުންމީދު ކަނޑާލައިގެން ނުވާނެ ކަމާއި ހަމައެކަނި ﷲ ތައާލާގެ ޙަޟްރަތުން އަހަރެމެންގެ ހުރިހާ ބޭނުންތަކެއް ފުދޭނެ ކަމެވެ. ކަމަކަށް އެދި ދެންނެވުމުން ނުވަތަ ދުޢާ ކުރުމުން އިޖާބަކޮށްދެއްވެވުން ލަސްވުމަކީ ވެސް ހަމަ އަހަރެމެންގެ ފައިދާއަށް ކޮށް ދެއްވަވާ ކަމެކެވެ. ވީމާ މާޔޫސްވުމެއްނެތެވެ. އޮތީ ﷲ ތަޢާލާއަށް އިތުބާރުކުރުމުގައި ދެމިހުރުމެވެ.
މިކަންކަމާއި މިފަދަ އިތުރު ކަންކަން އަބަދުވެސް ހިތުގައި ޔަޤީންކަމާއިއެކު ބާއްވާށެވެ! އެ ޔަޤީންކަމުގައި ދެމހުންނާށެވެ! އެކަމުގެ ފައިދާ ދެ ދުނިޔޭގައިވެސް ފެންނާނެއެވެ! އިން ޝާ ﷲ
--އިސްލާމީ ތިލަފަތުގެ ދަރުސަކުން
Advertisement
13 ޑިސެމްބަރ 2019