ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ ޓެކްސީ ކިޔޫ މިހާރު އޮންނަ ސަރަހައްދަށް ފެރީ ދޯނި ފަހަރަށް މީހުން އަރާ ފޭބުން ބަދަލުކޮށްފިއެވެ. 

މިހާރު ފެރީ ދޯނި ފަހަރަށް މީހުން އަރާ ފައިބާ ސަރަހައްދު އާންމުކޮށް ފުރި ބާރުވާތީ ޓޫރިސްޓުންނާއެކު އާއްމުންނަށް ވެސް ދަތިތަކާ ކުރިމަތިވެ އެވެ. 

މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ބުނެފައިވަނީ މި ބަދަލާއެކު ފަސިންޖަރުންނަށް ލުއިފަސޭހަތަކެއް ވެގެންދާނެ ކަމަށެވެ.

ފެރީ ދޯނި ފަހަރަށް މީހުން އަރާ ފައިބާ ސަރަހައްދަށް މި ގެނައި ބަދަލާއެކު ކުރިން މިޚިދުމަތްދެމުން އައި ސަރަހައްދު ލޯންޗް ފަހަރަށް ހާއްސަ ކުރަން ނިންމާފައިވާ ކަމަށް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ވަނީ ބުނެފައެވެ.