އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 18 ސިކުންތު
މަސްޖިދުއްތަޢާވުން، އާސަހަރާ މިސްކިތާއި މިސްކިތުގެ ގޯތިތެރެއާއި މިސްކިތްހުރި ގޯޅި ފުރާލައި މިއަދުގެ މެންދުރު ނަމާދުކުރި ގިނަ ބައަކު އެދިއައީ އުހުދު ފަރުބަދައިގެ 8 ގުނަ ސަވާބު ލިބިގަނެގެންނެވެ! އިން ޝާ ﷲ
އާސަހަރާ މިސްކިތުގައި މިއަދުގެ މެންދުރު ނަމާދަށްފަހު 4 މައްޔިތުންގެ މައްޗަށް ކަށުނަމާދުކުރެވުނެވެ. ކަށުނަމާދުގައި ބައިވެރިވުމުން އުހުދު ފަރުބަދަ ޢާއި އެއްވަރުގެ ގިން ސަވާބު ދެއްވަވަތެވެ. އަދި ޖަނާޒާގައި ބައިވެރިވުމުން ހަމަ އެހައި މިންވަރަށް ސަވާބު ދެއްވަވަތެވެ! ވީމާ 4 މައްޔިތުންނަށް ކަށުނަމށާދުކޮށް ޖަނާޒާގައި ބައިވެރިވުމުން އެ ލިބިގަނެވުނީ 8 ގުނައެވެ. އިން ޝާ ﷲ
ވަރަށް މަދު ބައަކު ޖަނާޒާގައި ބައިވެރިނުވެ ހަމައެކަނި ކަށުނަމާދުކުރިއެވެ. ނަމަވެސް އެއީ ވަރަށް މަދުބައެކެވެ. ޤަބޫލުކުރެވެނީ އެއީ ވގުތު ނެތިގެން ދާން މަޖުބޫރުވި މީހުން ކަމެވެ. ނޫން ނަމަ އަވީގައި ތިބެ ކަށުނަމާދުކުރުމަށްފަހު ޖަނާޒާގައި ބައިވެރި ނުވެ ނުދާނެއެވެ.
މިއަދު އެބައެއްގެ މައްޗަށް ކަށުނަމާދުކުރެވުނު 4 މައްޔިތުންނަކީ މ.ފަރިދުވެލި / މ. ގުއުޅިލާށިމާގެ / ކ.މާލެ ، މުޙައްމަދު ފަޔާޒް ( ކޮއްކޮ) (40އ) އާއި އިމާމްގެ / ބ.އޭދަފުށި ،އައިޝަތު ޙުސައިން ( އަނދިރި އައިސަ) (81އ) އާއި ބުލޫބާރޑްގެ / ކ.މާލެ ،މުޙައްމަދު މިދުހަތު (26އ) އާއި ނަސީމީވިލާގެ / ޅ.ހިންނަވަރު، މުޙައްމަދު ޢަލީ (73އ) އެވެ.
މާތް ﷲ މަރްހޫމުންގެ ފުރާނައަސް ސުވަރުގޭގެ ދާއިމީ ނިޢްމަތް މިންވަރުކުރައްވަވާށި! ޢާއިލާތަކަށް ކެތްތެރިކަން ދެއްވަވާށި! ކަށުނަމާދާއި ޖަނާޒާގައި ބައިވެރިވި މީހުންނަށް އެކަމުގެ ސަވާބު ދެއްވަވާށި! އާމީން
Advertisement
16 ފެބްރުއަރީ 2020