އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 42 ސިކުންތު
އިސްލާމް ދީނުގައި ބަޔާންވެގެންވާ ކަންކަމަށް ސައިންސުން ހެކި ހޯދަން ބޭނުންވާނަމަ އެކަމުން އަނގައި ދެނީ އެމީހާގެ ސިކުނޑީގައި އެއްވެސް ބާރެއް ނެތް ކަމެވެ. އެހެނީ ސައިންސްވެރިންނާއި ސައިންސްގެ ޢިލްމު އުފެއްދެވީވެސް ﷲ ތަޢާލާ ކަމުގައިވާ ކަމެވެ.
ސައިންސްވެރިންނަކީ މާ ކުރިއަރާފައިވާ ބައަކު ކަމަށް ބުނާ ނަމަ ނިކަން ﷲ ތަޢާލާ ކީރިތި ޤުރައާނުގައި ބަޔާންކުރައްވަވާފައިވާ މިފަދަ އެއްވެސް ކަމަކަށް ގޮންޖަހައިލަބަލާށެވެ!
"ހަނދު އަތުލައިގަތުމަކީ، އިރަށް އެކަށީގެންވާ ކަމެއްނޫނެވެ. އަދި ދުވާލަށްވުރެ ރޭގަނޑު ކުރިއަރައި ދާކަމަކަށްވެސް ނުމެވޭމެއެވެ. އަދި އެއިން ކޮންމެ އެއްޗެއްމެ ފަލަކެއްގައި ހިނގަހިނގާ ހުރެތެވެ." (ޔާސީން: 40)
އިރު އެރުމުންވެސް ހަނދުގެ އަލިކަން ނުގެއްލޭނެ ގޮތެއް ހަދަންވީ ނޫން ހެއްޔެވެ؟ ރޭދުވާ ތަކުރާރުވަމުންދާ ނިޒާމު އެންމެ ދުވަހަކަށް ނަމަވެސް ބަދަލުކޮށްލަންވީ ނޫން ހެއްޔެވެ؟ ޑިމޮކްރސީގެ ތެރެއިން އެންމެން ހަމަކޮށްލަން ދުވާލުގެ ވަގުތުތައް ﷲ ތަޢާލާ ގިނަ ކުރައްވަވާފައިވާ ސަރަހައްދަކަށް، ޤައުމަކަށް ދުވާލުގެ ވަގުތުތައް މަދުކޮށްލައި ހުރިހާ ޤައުމަކަށް އެއްގޮތް ކޮށްލަންވީ ނޫން ހެއްޔެވެ؟
މިފަދަ އެއްވެސް ކަމެއް ނުކުރެވޭނެއެވެ! ދުނިޔެ ނިމެންދެންވެސް ހުރިހާ ކަމެއްވެސް ހިނގަމުން ދާނީ ހަމަ ﷲ ތަޢާލާ މިންވަރުކުރައްވަވާފައިވާ ގޮތަށެވެ!
- އިސްލާމީ ތިލަފަތުގެ ދަރުސަކުން
Advertisement
21 ފެބްރުއަރީ 2020
