އާރޓިކަލްކިޔުމަށް ހޭދަވާނެކަމަށް ބެލެވެނީ : 2 މިނެޓް, 31 ސިކުންތު
ރަސޫލް (ޞއވ) މީސްތަކުންގެ ތެރޭގައި ހުންނަވަނިކޮންނާއި އެބައިމީހުން އިސްތިޣްފާރުކުރަން ތިބޭ ހާލުގައި އެބައި މީހުންގެ މައްޗަށް ކޯފާ ބާވައި ނުލައްވަވާނެ ކަމަށް ﷲ ތަޢާލާ ވަނީ ވަހީކުރައްވަވައިފައެވެ.
"އަދި ކަލޭގެފާނު އެއުރެންގެ މެދުގައި ހުންނަވަނިކޮށް، ﷲ، އެއުރެންނަކަށް ޢަޛާބެއް ނުދެއްވާނެތެވެ. އަދި އެއުރެން އިސްތިޣްފާރު ކޮށްކޮށް ތިއްބައި، ﷲ، އެއުރެންނަކަށް ޢަޛާބެއް ނުދެއްވާނެތެވެ." (އަލްއަންފާލް: 33)
ވީމާ މުޞީބާތް ކުރިމަތިވެފައިވާ މި ދަނޑިވަޅުގައިވެސް އިސްތިޣްފާރުކުރުން ވީހައި ގިނަކުރައްވަވާށެވެ! ﷲ ތަޢާލާ މުޞީބާތުން އަހަރެމެންނަށް ރައްކައުތެރިކަން މިންވަރުކޮށްދެއްވަވާނެތެވެ! އިން ޝާ ﷲ
ބައެއް މީހުންނަށް ހީކުރެވިފައި އޮންނަނީ މުޞީބާތުން ސަލާމަތްވުން ވަނީ ހަމައެކަނި ދިގު ދުޢާތައް ކުރުމުން ކަމަށެވެ. އެހެންވެ ދިގު ދުޢާތައް ހޯދަން ގިނަ ބައަކު މަސައްކަތްކުރެއެވެ. ނަމަވެސް އެއީ އެހެންއޮތް ކަމެއް ނޫނެވެ!
ކުރަން އޮތް ކަމަކީ އިސްތިޣްފާރުކުރުން ގިނަކުރުމެވެ. ފާފަތައް ފުއްސަވައި ދެއްވެވުން އެދި ގިނަގިނައިން ދެންނެވުމެވެ. ފާފަތައް ފުއްސަވައި ދެއްވެވުމަށާއި ތިމަން މިހުރީ އިނބަ ﷲ ތަޢާލާގެ މަގަށް ރުޖޫޢަވެގެން ކަމުގައި ދެންނެވުމެވެ.
ގިނަގިނައިން އިސްތިޣްފާރުކުރުމަކީ ހީވެސް ނުކުރެވޭހައި ގިނަ ގޮތްގޮތުން ބަލާ އާއި މުޞީބާތާއި ހިތްދަތިކަމުން ސަލާމަތްކޮށްދެއްވަވާނެ ކަމެކެވެ.
އިސްތިޣްފާރުކުރުމުގެ ފަސޭހަކަމާއި އިސްތިޣްފާރުކުރަންވީ ގޮތް މި ކުރު ވީޑިއޯ ކްލިޕުން ބައްލަވައި އަޑުއައްސަވައިލައްވާށެވެ!
ގުޅުންހުރި ވީޑިއޯ:
Advertisement
21 މާޗް 2020