ކޯވިޑް-19ގެ ސަބަބުން ރައްޔިތުންނަށް ދިމާވެފައިވާ މާލީ ދަތިތައް ހައްލުކުރުމުގެ ގޮތުން އެންޒީން ވިއްކާ މަސް ދަޅުގެ އަގު ހެޔޮކޮށްފިއެވެ.

މިކަމާގުޅިގެން އެންޒީން ބުނެފައިވަނީ ކުރިން 15 ރުފިޔާއަށް ލިބޭ ތެޔޮ މަސް ދަޅު 12 ރުފިޔާއަށް އަދި ފެން މަސްދަޅު 11:50 ރުފިޔާއަށް ގަންނަން ލިބޭން ހުންނާނެކަމަށެވެ.

އެންޒީން ވަނީ މަސްދަޅު ޑެލިވަރކުރުމުގެ މަސައްކަތްވެސް ކުރަމުންނެވެ.

ހެނދުނު 8:30 އާއި ހަވީރު 4:00 ދެމެދު ގޭބީސީތަކަށާއި ބޯޓު އަދި ދޯނިފަހަރުތަކާއި ހަމައަށް މަސް ދަޅު އަދި މަސް ކޭސް ޑެލިވަރ ކޮށްދޭނެކަމަށް އެންޒީން ވަނީ ބުނެއެވެ.

މި ޚިދުމަތް ހޯދުމަށް މާލެއިން ނަމަ ގުޅުއްވާނީ 7248899 އަށް އަދި ހުޅުމާލެއިން ނަމަ ގުޅުއްވާނީ 7258899 އަށެވެ.