ކޮރޯނާއިން އިތުރު ދިހަ މީހުން ރަނގަޅުވެ، ރަނގަޅުވި މީހުންގެ ޖުމުލަ ސަތޭކަ ފަންސާސް ހަތަރަކަށް އަރައިފިއެވެ. 

ސަރުކާރުގެ ތަރުޖަމާނު މިރޭ ވިދާޅުވީ މިއަދު ބައްޔަށް ޕޮޒިޓިވްވެފައިވަނީ 24 މީހުން ކަމަށާއި މިހާރު ފަރުވާދެވެމުން ދަނީ 1235 މީހުންނަށް ކަމަށެވެ. 

މަބްރޫކް މިރޭ ވިދާޅުވީ ހުލުމާލޭގައި ހުންނަ ކަރަންޓިނު މަރުކަޒު އަމީނީ ހިޔާގައި ތިބި މީހުން ފުލުހުންނަށް ޙަމަލާދީ ހަމަނުޖެހުން ހިންގީ ހެނދުނު ސައިގެންދިއުން ލަސްވުމުން ކަމަށާއި އެކަން މިއަދު ވަނީ ޙައްލުކޮށްފައި ކަމަށެވެ. 

"އިއްޔެ ހަަމ ވަރަށް ބޮޑަށް ލަސްވީ. އެތަނަށް ކާން ގެންދަނީ 3 ވަނަ ބައަކާއި ހަވާލުކޮށްގެން އެޗްޑިސީން. އެޗްޑީސީއަށްވެސް އެކަން އެނގުނީ ވަރަށް ލަސްވި ފަހުން" ކަމަށްވެސް މަބްރޫކް ވަނީ ވިދާޅުވެފައެވެ.