އާރޓިކަލްކިޔުމަށް ހޭދަވާނެކަމަށް ބެލެވެނީ : 2 މިނެޓް, 0 ސިކުންތު
ސީރިޔާގެ ރައީސް ބަޝާރުގެ ސަރުކާރުގެ ވާގިވެރިކަމާއިއެކު ޝިޢީ ހަނގުރާމަވެރިން، ޢުމަރު ބިން ޢަބްދުލްޢަޒީޒްގެ މަހާނަފުޅު ކޮނެ ގެއްލުންދީފި އެވެ. ޢުމަރު ބިން ޢަބްދުލްޢަޒިޒް އަކީ އިސްލާމީ އުންމަތުގެ ދެވަނަ ޚަލީފާ ޢުމަރުގެފާނުގެ ކާފަދަރިކަލުންނެވެ.
ޢުމަރު ބިން ޢަބްދުލްޢަޒިޒްގެ ވެރިކަމުގެ މުއްދަތަކީ މުސްލިމުން ދެކެފައިވާ އެންމެ ތަނަވަސްތައް ދުވަސްތަކުގެ ގޮތުގައި ޢިލްމުވެރިން ސިފަކުރައްވައެވެ. އެކަލޭގެފާނަކީ މީސްތަކުންގެ ލޯބި ލިބިވަޑައިގެންނެވި ޚަލީފާއެއްކަން ތާރީޚުން އެނގެއެވެ.
ރިޕޯޓްތައް ބުނާގޮތުން ޢުމަރު ބިން ޢަބްދުލްޢަޒިޒް އާއި އެކަލޭގެފާނުގެ އަނބިކަނބަލުންނާއި ދެބޭކަނބަލުން ގެންގުޅުއްވި ޚާދިމެއްގެ މަހާނަފުޅުވެސް ވަނީ ކޮނެފައެވެ. މި މަހާނަފުޅުތައް އިދްލީބްގެ ސަރަހައްދެއްގައެވެ.
ބިމުގައި ހުރި މަހާނަފުޅުކޮނެ ގެއްލުން ދެވިދާނެއެވެ! ނަމަވެސް މާތް ﷲ ގެ ޙަމްރަތުގައިވާ ފުރާނަފުޅު ވަނީ އެންމެ މަތިވެރި ނިޢްމަތުގައެވެ.
ބައެއް ޢިލްމުވެރިން ވިދާޅުވަނީ އީރާނާއި ސައުދީން ހިންގާ މިފަދަ ހުރިހާ ޖަރީމާތަކުގެ ފަހަތުގައި ވަނީ އެމެރިކާ ކަމުގައެވެ. އެމެރިކާ އާއި އީރާނުގެ މެދުގައި އެންމެ ފަހުން ބަދަލުކުރެވުނު ހަމަލާތަކާއި ގުޅިގެންވެސް މުސްލިމުންގެ ޢާޘާރީ ތަންތަނަށް ހަމަލާދީ ނައްތައިލާނެކަމަށް އެމެރިކާއިން ބުނި ބުމުން އެކަނިވެސް އެމެރިކާގެ މަޤްޞަދު އެނގިގެންދާ ކަމަށެވެ. އަދި އެ މަޤްޞަދަކީ މުސްލިމުންގެ ހަނދާނީ ހުރިހާ ބިނާތަކެއް ނައްތައިލުން ކަމަށެވެ.
ގުޅުންހުރި ވީޑިއޯ ޓްވީޓުގައި:
ريف المعرة الدير الشرقي نبش قبر الخليفة عمر بن عبد العزيز من قبل زنات العصر ومرتزقة الروس والنظام #سوريا #ادلب pic.twitter.com/BMFICakeDU
— المعتصم بالله الشحود (@almo3tasem91) May 26, 2020
Advertisement
31 މެއި 2020