ޤާނޫނު އަސާސީގެ 231 ވަނަ މާއްދާއަށް އިސްލާހު ގެނެސް މިހާރު ތިބި ކައުންސިލަރުންގެ މުއްދަތު އިތުރުކުރުމަށް ބާއްވާ ޚާއްސަ ޖަލްސާ މާދަމާރޭ މެންދަމު ބޭއްވުމަށް ރައްޔިތުންގެ މަޖިލީހުން އެޖެންޑާ ކޮށްފިއެވެ.

މިޖަލްސާ ބޭއްވުމަށް އެޖެންޑާ ކޮށްފައިވަނީ މާދަމާ މެންދަމު 1:30 ގައެވެ.

މިއިސްލާހު ގެންނަން ހުށައަޅާފައި ވަނީ ކޯވިޑް19 އާއި ގުޅިގެން ދިމާވި ޚާއްސަ ހާލަތުގެ ސަބަބުން ލޯކަލް ކައުންސިލް އިންތިޚާބު ކަނޑައަޅާފައިވާ ތާރީޚުގައި ބޭއްވޭގޮތް ނުވުމުން މިހާރު ތިއްބެވި ކައުންސިލަރުންގެ ދައުރު އިތުރު ކުރުމަށެވެ. 

އެކައުންސިލަރުންގެ ދައުރު ހަމަވާނީ މިފެށުނު ޖޫން މަހުގެ 2 ވަނަ ދުވަހުގެ ރޭ 00:00 އަށެވެ.

މާދަމާ މެންދަމު ބާއްވާ މިޖަލްސާގައި ޤާނޫނު އަސާސީއަށް މަޖިލިހުން ގެންނަ އިސްލާޙާއި، އިތުރު ކުރެވޭ މިމުއްދަތުގައި ކައުންސިލަރުން އަމަލު ކުރާނެ ޚާއްސަ ބިލް އެއް ވެސް ރައްޔިތުންގެ މަޖިލިހުން ފާސްކުރަން ޖެހޭނެއެވެ.