އެންމެފަސް (current) ޚަބަރު ރިޕޯޓް ދީން ކުޅިވަރު ދުނިޔޭގެ ޙަބަރު ޙަޤީޤީ ޙާދިސާ މުނިފޫހިފިލުވުން ކުޑަކުދީން އިޢުލާން ސާރޗް

ﷲ ގެ ކޯފާއަށް ބިރުވެތި ނުވާނަމަ ބަދަލު ހިއްޕަވާކަން ޤުރްއާނުން!

ﷲ ގެ ކޯފާއަށް ބިރުވެތި ނުވާނަމަ ބަދަލު ހިއްޕަވާކަން ޤުރްއާނުން!


އާރޓިކަލްކިޔުމަށް ހޭދަވާނެކަމަށް ބެލެވެނީ : 2 މިނެޓް, 16 ސިކުންތު

ﷲ ތައާލާ ކޯފާވެވޮޑިގަންނަވާ ފަދައިން ޢަމަލުކުރަން މިއަދު ޖެހިލުންވަނީ މަދު މީހެއް ކަމަށް ބުނަން ޖެހެނީ ﷲ ތަޢާލާ ނަހީކުރެއްވެވި ކަންކަމަށް ޢަރައިގަންނަން ބިރުވެތި ނުވާ މީހުންގެ ޢަދަދު ގިނަކަމުންނެވެ. އެހެން މިވަނީ ﷲ ތަޢާލާ ނަހީކުރައްވަވާފައިވާ ކަންކަން ކުރިނަމަވެސް ދުނިޔެމަތީގައި އެކަމަށް ޢުޤޫބާތް ދެއްވަވާތަން ފެންނަ މިންވަރު މަދުކަމުންނެވެ. 

ހަމަ އެކަނި މިއާޔަތަށް ވިސްނައިލި ނަމަވެސް ﷲ ތަޢާލާ ކޯފާވެވޮޑިގަންނަވާނެ ޢަމަލުތައް ކުރަން ޖެހިލުންވާ މީހުންގެ ޢަދަދު އެތައް ގުނައަކަށް ގިނަވެގެންދާނެއެވެ. 

"ފަހެ، ތިމަންރަސްކަލާނގެ ކޯފާވެވޮޑިގެންވާގޮތަށް، އެއުރެން ކަންތައް ކުރިހިނދު، ތިމަންރަސްކަލާނގެ އެއުރެންގެކިބައިން ބަދަލުހިއްޕެވީމެވެ. ފަހެ، ތިމަންރަސްކަލާނގެ އެއުރެން އެންމެން ޣަރަޤް ކުރެއްވެވީމެވެ." (އައްޒުޚްރޫފް: 55) 

ކޮންމެ މީހަކީ ކަނޑަށް ޣަރަޤް ކުރައްވަވާ މީހަކަށް ނުވެދާނެއެވެ! ނަމަވެސް މިއާޔަތުން އެނގިގެންދަނީ އެމީހަކަށް ކުރިމަތިލާން ޖެހިދާނެ ޢުޤޫބާތެއްގެ ބޮޑުކަމެވެ. 

ލޮބުވެތި އަޚުންނާއި އުޚުތުންނޭވެ! ﷲ ތައާލާ ދެއްވެވި އިޚްތިޔާރުގެ ބޭނުން ހެޔޮގޮތުގައި ހިފާށެވެ! ﷲ ތަޢާލާ ރުހިވޮޑި ނުގަންނަވާނެ އެންމެހައި ކަންކަމުން ދުރުހެލިވާށެވެ! ﷲ ތަޢާލާގެ ކޯފާވެވޮޑިގަތުމަށް ބިރުވެތިވާށެވެ! މިދުނިޔޭގައި އެކަމުގެ ވޭން އުފުލަން ޖެހުނު ނަމަވެސް އާޚިރަތް ދުވަހުން ކުރިމަތިލާން ޖެހިދާނެ ގަދަފަދަ ޢަޛާބަށް ބިރުވެެތިވާށެވެ! 

عُمر بن ذَرٍّ رحمه الله ވިދާޅުވިއެވެ. "އޭ ﷲ އަށް އުރެދުންތެރިވާމީހުންނޭވެ! ﷲ، ތިއަބައިމީހުންނަށް ޢުޤޫބާތްދެއްވުން ދެމިގެންދިއުމާމެދު، ތިއަބައިމީހުން ކެހިވެރިނުވާށެވެ! ތިއަބައިމީހުން އެކަލާނގެ ކޯފާވެވޮޑިގެންވާގޮތައް އުޅުމަށް ބިރުވެތިވާށެވެ. 

- އިސްލާމީ ތިލަފަތުގެ ދަރުސަކުން

 

 

Advertisement

ކޮމެންޓް ކުރެއްވުމަށް








އަބްދުއްލަތީފް