އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 1 ސިކުންތު
ރާއްޖޭގައި ކޮރޯނާ ވައިރަސްގެ ކަންކަން މެނޭޖްކުރަން ކުރެވޭ މަސައްކަތްތައް އިނގިރޭސިވިލާތުން ބަލައިގަނެއެވެ. ބަލި މެނޭޖްކޮށް ކޮންޓްރޯލްކުރަން ކުރި މަސައްކަތްތަކަށް ތައްރީފްވެސް ކުރެއެވެ. ބަލީގެ ޙާލަތު މެނޭޖްކުރެވި ކޮންޓްރޯލް ކުރެވިފައިވާ ކަމަށްވެސް ޤަބޫލުކުރެއެވެ. އިނގިރޭސިވިލާތުގެ އެންމެ ގިނަ ބައަކު އަންނަން ބޭނުންވަނީވެސް ރާއްޖެއަށެވެ!
ނަމަވެސް އިނގިރޭސިވިލާތުން ދަތުރުކުރުމަށް ލުއިދިން 59 ޤައުމުގެ ތެރޭގައި ރާއްޖެ ހިމެނިފައެއް ނުވެއެވެ. އެ މިންގަޑުތަކަކީ ބޮޑު ސިއްރެކެވެ! ރާއްޖެ ލިސްޓުގައި ނެތުމުން އިނގިރޭސި ރައްޔިތަކު ރާއްޖެ އައިސްފައި އެނބުރި ޤައުމަށް ހިނގައްޖެ ނަމަ 14 ދުވަހަށް ކަރަންޓީނުކުރާނެއެވެ. ވީމާ ރާއްޖެ އަންނަ އިނގރޭސިފަތުރުވެރިންގެ އަދަދު މަދުވެގެންދާނެއެވެ!
ބޮޑު ސިއްރާއިމެދު އޮތީ ލަފާކުރުމެވެ! އެ ބޮޑު ސިއްރަކީ އަދި މިހައިތަނަށްވެސް ރާއްޖޭގައި ފައްޅިއެއް އަޅާފައި ނެތުން ކަމަށް ވެދާނެކަމަށް ގިނަ ބައަކަށް ޤަބޫލުކުރެވެއެވެ! ރައީސް ނަޝީދުގެ ވެރިކމުގައިވެސް އިނގިރޭސި ސަފީރު ވަނީ ރާއްޖޭގައި ފައްޅިއެއް އަޅަން ބޭނުންވެގެން އެއިރުގެ އިސްލާމިކް މިނިސްޓަރު ޑރ. ޢަބްދުލްމަޖީދު ޢަބްދުލްބާރީ އާއި ވެސް ބައްދަލުކޮށްފައެވެ.
އެމަނިކުފާނު ދެއްވި ޖަވާބަކީ އެއީ އެކަމަސް ހުއްދަ ދިނުމަކީ އިސްލާމިކް މިނިސްޓްރީގައި ހިމެނޭ ކަމެއް ނޫން ކަމަށެވެ!
Advertisement
4 ޖުލައި 2020