އެޗްޕީއޭގެ ޙިސާބުތައް ދައްކާ ގޮތުން އިއްޔެ ހަވީރު 6:00 އިން މިއަދު ހަވީރު 6:00 އަށް ކޮރޯނާ ވައިރަހަށް 99 މީހުން ޕޮޒިޓިވްވެއްޖެއެވެ. މިއަދު ބަލިން ރަނގަޅުވީ 174 މީހުންނެވެ.

އެޗްޕީއޭގެ އިން ބުނެފައިވަނީ މިއަދު ޕޮޒިޓިވްވި 99 މީހުންގެ ތެރޭގައި ހިމެނެނީ 65 ދިވެހިންނާއި 34ބިދޭސީންނެވެ.

މިއަދު 92 މީހުން ޕޮޒިޓިވްވެފައިވަނީ މާލެ ސަރަހައްދުންނެވެ. އަދި 7 މީހުން ޕޮޒިޓިވްވެފައިވަނީ އަތޮޅުތެރެއިންނެވެ.

އިއްޔެވެސް މި ބައްޔަށް ރާއްޖެއިން 85 މީހުން ވަނީ ޕޮޒިޓިވްވެފައެވެ. 

މިބައްޔަށް ޝިފާ ލިބުނު މީހުންގެ ޢަދަދު މިއަދާއި ހަމައަށް ވަނީ 7903 އަށް އަރައިފައެވެ. މިއަދާއި ހަމައަށް ޕޮޒިޓިވްވި މީހުންގެ އަދަދު ވަނީ 9,328 އަށް އަރައިފައެވެ. މި ބައްޔަށް ފަރުވާ ދެމުން އަންނަނީ 115 މީހަކަށެވެ.

މި ބަލީގައި 33 މީހަކު ވަނީ ނިޔާވެފައެވެ.