"ކުށްކުރި މީހާގެ މައްޗަށް ހެކި ސާބިތުކުރަން އިނގިލީގެ ނިޝާން ނުވަތަ ފިންގަރޕްރިންޓް ބޭނުންކުރި ނަމަވެސް ހަމައެކަނި އިނގިލީގެ ނިޝާނުގެ މައްޗަށް ބިނާކޮށް އޭނާގެ އަތެއް ނުކެނޑޭނެއެވެ." ޑރ. މުޙައްމަދު އިޔާޟް ޢަބްދުއްލަޠީފް 

ދަރިލެއްވުމަށާއި ޒިނޭގެ ކުށް ސާބިތުކުރަން ޑީއެންއޭ ބޭނުންކުރުމާއިމެދު ތަފާތު ޚިޔާލުތައް ފަތުރަމުން ގޮސް ކުށްކުރިކަން ސާބިތުކުރަން އިނގިލީގެ ނިޝާން ބޭނުންކުރުމާއި ދަރިލެއްވުމަށާއި ޒިނޭގެ ކުށް ސާބިތުކުރަން ޑީއެންއޭ އިން ފުދޭނެ ކަމަށް ބުނެވޭ ހިސާބަށް މިހާރު މިވަނީ ފަތުވާތައް ފަތުރައިފައެވެ. 

ޑީއެންއޭ ބޭނުންކޮށްގެން ޒިނޭގެ މައްސަލަތައް ސާބިތުކުރުމުގެ މައްސަލަތައް މިހައި ބޮޑުވެގެންދީއައިރު ޙައްދުޖަހަން ޖެހޭ މީހުންގެ ގައިގައި ހައްދުނުޖެހުމުގެ މައްސަލައިގައި ބަހުސްނުކުރެވޭކަން އެއީ ގިނަބައަކު ކަންބޮޑުވާ ކަމެއްކަން ފާހަގަކުރެވެއެވެ.