ކޮންމެ މީހަކުވެސް އެންމެ ބޮޑަށް އެދޭނެ އެއްކަމަކީ ކަންބޮޑުވުންތަކުން ސަލާމަތްވެވިގެން ހުރުމެވެ. ހިތަށް އުފާވެރިކަން ލިބިގެން ހުރުމެވެ. އެކަން ކުރެވެން އޮތް މަގުވެސް އޮތީ ފެންނާށެވެ! އަހަރެމެންނަށް އޮތީ ޢަމަލުކުރުމެވެ. 

ތިމާގެ ހިތް، އިޚްލާޞްތެރިކަމާއިއެކު އަބަދުވެސް ﷲ ތަޢާލާ އާއި ގުޅުވައި އެކަލާނގެ ރަޙްމަތަށް އުންމީދުކޮށްގެން ހުންނަ މީހާއަށް ﷲ ތަޢާލާ ހެޔޮ ގޮތްތައް އަބަދުވެސް މިންވަރުކުރައްވަވާނެތެވެ. އެފަދަ މީހުންގެ ދިރިއުޅުމުގެ ހުރިހާ ކަމެއް ﷲ ތަޢާލާއަށް ވަކީލުކޮށް އެކަމުން ހިތްފުރިގެން ހުންނަ ދުވަހެއް އަންނާނެއެވެ. 

އެދުވަސް އައުމުން ދުނިޔޭގައި ކުރިމަތިވާ އެއްވެސް ކަމަކަށް އެމީހަކު ކަންބޮޑެއް ނުވާނެއެވެ. ތިމާ ކުރަން ބޭނުންވާ ކަންކަން ޙާޞިލުނުކުރެވުނު ނަމަވެސް ކަންބޮޑެއްނުވާނެއެވެ. އެއީ ހުރިހާ ކަންކަން އެންމެ މޮޅަށް ރާއްވަވާ ފަރާތަކީ ﷲ ތަޢާލާ ކަމާއި ތިމާއަށް ކުރިމަތިވާ ކޮންމެ ކަންބޮޑުވުމަކީ ރަޙްމަތެއް ކަމުގައި ލައްވަވާނެކަމުގެ ޔަޤީންކަން އެމީހަކަށް ލބިފައި އޮންނާނެތީއެވެ!

- މުފްތީ މެންކުގެ ދަރުސަކުން