ސީޝެލްސްގެ ނައިބް ރައީސަކަށް ރާއްޖޭގެ ދެކުނުގެ ހަތަރު އަތޮޅު ގުޅިގެން އުފެއްދި ޔުނައިޓެޑް ސުވައިދީބު ރިޕަބްލިކްގެ ލީޑަރު އަބްދުﷲ އަފީފުގެ ދަރިކަލުން އަހުމަދު އަފީފް އިންތިޚާބްވެއްޖެއެވެ. 

ސީޝެލްސްގެ މިހާރުގެ ރައީސް ޑެނީ ފައުރޭއާ ވާދަކުރައްވައި އިންތިހާބް ކާމިޔާބްކުރެއްވީ އިދިކޮޅު ލީޑަރު ވަވެލް ރާމްކަލަވަންއެވެ. ވެވެލް ރަމްކަލަަވަންގެ ރަނިން މޭޓަކީ އަހުމަދު އަފީފް އެވެ. ވަވެލް ރާމްކަލަވަން މި އިންތިހާބް ކާމިޔާބްކުރެއްވީ 54.9 ޕަސެންޓް ވޯޓުންނެވެ.

ސީޝެލްސްގެ ސަރުކާރުގެ އިސް މަގާމުތަކެއް އަހުމަދު އަފީފް ވަނީ ފުރުއްވައިފައެވެ. އޭގެ ތެރޭގައި ސީޝެލްސްގެ ނޯވޯ ބޭންކް އަދި ސީޝެލްސް ސޭވިން ބޭންކްގެ ޗެއާމަންކަން ކުރައްވާފައި ވެއެވެ. އަދި އަހުމަދު އަފީފް ވަނީ މީގެ ކުރިން ޝީޝެލްގެ ގާނޫނު ހަދާ މަޖިލީހުގެ މެމްބަރު ކަމާއި، މަޖިލީހުގެ ނައިބް ރައީސް ކަމުގެ މަގާމު ވެސް ފުރުއްވާފައެވެ.