ޅ.ހިންނަވަރު ގޮނޑު ސަރަޙައްދުގައި ހުރި ފެނަކަ ކޯޕަރޭޝަންގެ ގުދަނެއްގައި އަލިފާން ރޯވެއްޖެއެވެ.
އެމްއެންޑީއެފް އިން ބުނެފައިވަނީ މި ހާދިސާގެ މަޢުލޫމާތު މިއަދު ގާތްގަނޑަކަށް 13:45 ހާއިރު ލިބުމާއެކު އެމްއެންޑީއެފް ނޮދަން އޭރިއާ ނައިފަރު ފަޔަރ ސްޓޭޝަންގެ ފަޔަރަމަނުން ކުރި މަސައްކަތުން މިހާދިސާގައި ރޯވި އަލިފާން ނިއްވާލާފައިވަނީ 14:30 ހާއިރުކަމަށެވެ.
އަލިފާން ރޯވުމާ ގުޅިގެން ގުދަނުގައި ހުރި ސާމާނު ބޭނުން ނުކުރެވޭވަރަށް ވަނީ އަނދާފައެވެ.
މި ގުދަނަކީ ގޮނޑުން ހޮވާ ބައެއް ތަކެތި ރައްކާކުރުމަށް ބޭނުންކުރާގުދަނެކެވެ.
މި ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
ފެނަކަ ކޯޕަރޭޝަންގެ ގުދަނެއްގަ އަލިފާން ރޯވެއްޖެ.
