ބީއެމްއެލް އިން ނެރެފައިވާ ބަޔާނެއްގައި ބުނެފައިވަނީ، ބީއެމްއެލް ގެ ނަމުގައި މިފަދަ އީމެއިލެއް ކަސްޓަމަރުންނަށް ލިބެމުންދާކަމުގެ މަޢުލޫމާތު ލިބިފައިވާ ކަމަށާއި، އެފަދަ އީމެއިލް އެއް ލިބުން ކަމުގައި ވިޔަސް އެއްވެސް މައުލޫމާތެއް ޙިއްސާ ނުކުރުމަށް އެބޭންކުން ނަސޭޙަތްތެރިވާ ކަމަށެވެ. އަދި މިފަދަ އީމެއިލް އަކީ، ކަސްޓަމަރުން ލޫޓުވުމުގެ ނިޔަތުގައި ބަޔަކު ކޮށްގެން އުޅޭ ކަމެއް ކަމަށާއި ބީއެމްއެލް ގެ ފަރާތުން އެއްވެސް ކަސްޓަމަރެއްގެ އެފަދަ މައުލޫމާތު އީމެއިލް ގެ ޒަރީޢާއިން ނުހޯދާނެ ކަމަށެވެ.
މީގެ އިތުރުން، އިންޓަރނެޓް ބޭންކިންގެ ޚިދުމަތަށް އަބަދުވެސް ބީއެމްއެލް ގެ ރަސްމީ ވެބްސައިޓު www.bankofmaldives.com.mv ބޭނުން ކުރެއްވުމަށް ވެސް އެބޭންކުން ނަސޭޙަތްތެރިވެފައި ވެއެވެ.
