އެސްޓީއޯ އިން މިއަދު ބުނީ ކުންފުނީގެ ފަރާތުން މާލެ ހުޅަނގު ފަރާތު ހާބަރު ސަރަހައްދުގައި ޢިމާރާތްކުރަމުންގެންދާ ފުޑްކޯޓްގެ 26 ޔުނިޓް ކުއްޔަށް ދިނުމަށްޓަކައި 21 ޖަނަވަރީ 2018 ގައި އެކަމަށް ޝައުގުވެރިވާފަރާތްތަކުން ބިޑް ހުށަހަޅާފައިވަނީ 22 ޔުނިޓށް ކަމަށެވެ. މިޔުނިޓްތަކުގެ ބިޑްތައް އިވެލުއޭޓް ކޮށް 19 ފަރާތަކަށްވަނީ އެވޯޑް ނޮޓިފިކޭޝަން ފޮނުވިފައި ކަމަށާއި އެވޯޑިންގ ޕްރޮސެސް ނިންމާ ޔުނިޓްތަކުގެ ވެރިފަރާތްތަކާއި އެކު އެގްރިމެންޓްގައި ސޮއިކުރުމުގެ މަރުހަލާ ކުރިއަށްއޮތް ހަފްތާތެރޭ ކުރިއަށް ގެންދެވޭނެ ކަމަށެވެ.
ފުޑްކޯޓްގެ 26 ޔުނިޓްތަކުގެ ތެރެއިން އެއްވެސް ފަރާތަކުން ބިޑް ހުށަހަޅާފައިނުވާ 4 ޔުނިޓަށް ދެވަނަ ފަހަރު ޓެންޑަރ އަށް ޢިއުލާން ކުރެވި، 11 ފެބްރުއަރީ 2018 ގައިވަނީ އެޔުނިޓްތަކަށް ޝައުގުވެރިވާ ފަރާތްތަކުން ބިޑް ހުށަހަޅާފައެވެ. މި 4 ޔުނިޓްގެ ބިޑްތަށްވެސް މިހާރު އިވެލުއޭޓް ކޮށް އެވޯޑް ކުރުމުގެ މަސައްކަތް ދަނީ ކުރެވެމުންނެވެ.
