ރާއްޖޭގެ ޞިއްޙީ ޚިދުމަތް އައު އުސްމިންތަކަކަށް އޭޑީކޭ ހޮސްޕިޓަލުން މިރޭ އުފުލާލަން ވާންޖެހޭ ތައްޔާރީތައް ދަނީ ވަމުންނެވެ.
އޭޑީކޭ ހޮސްޕިޓަލުގެ އައު އިމާރާތުގައި ތައްޔާރުކުރި އެންމެ ޒަމާނީ ތިއޭޓަރ ކޮމްޕްލެކްސް މިރޭ ހުޅުވާނެއެވެ. އަދި ޢާންމުންނަށް އެތަން ބަލައިލުމުގެ ފުރުޞަތު ހަފްތާއެްއހައި ދުވަހަށް ދޭނެއެވެ.
އެމްޑީ އަފްޢާލް މިއަދު ވިދާޅުވީ ތިއޭޓަރ ކޮމްޕްލެކްސްގެ ޚިދުމަތް ވަރަށް އަވަހަށް ލިބެންފަށާނެ ކަމަށާއި ޚިދުމަތް ފެށުމުން ރާއްޖޭގައި ފުރަތަމަ ފަހަރަށް އޯޕަންހާޓް ސަރޖަރީގެ ޚިދުމަތް ފެށޭނެ ކަމަށެވެ.