ރާއްޖޭގައި ހުރި އދ ގެ މިޝަނުން ބުނެފައިވަނީ ކުރެވުނީ ބިނާކުރަނިވި މަޝްވަރާތަކެއް ކަމަށާއި ވަފުދު އިއްޔެ ހަވީރު ފުރާފައިވާ ކަމަށެވެ. އިތުރު ބަހެއް ބުނެފައެއް ނުވެއެވެ.
ވަފުދުން ވަނީ އިދިކޮޅު ޕާޓީތަކާއި އަދި ސަރުކާރާއި އެކުވެސް މަޝްވަރާކޮށްފައެވެ. ރާއްޖޭގައި ހުންނަވާ އިންޑިއާ ސަފީރާއިވެސް މަޝްވަރާކޮށްފައެވެ. ނަމަވެސް ހަމައެކަނި ބައްދަލުވުންތައް ބޭއްވިކަން ފިޔަވައި އިތުރު އެއްވެސް މައުލޫމާތެއް ހާމަކޮށްފައެއް ނުވެއެވެ.
އިދިކޮޅު ފަރާތްތަކުން މިހާރުވެސް ބުނަމުން ގެންދަނީ ސަރުކާރާއިއެކު އެއްވެސް މަޝްވަރާއެއް ކުރާނީ ފެބްރުއަރީ 1 ގައި ސްޕްރީމް ކޯޓުގެ 5 ފަނޑިޔާރުންގެ އިއްތިފާޤުން ނެރުނު އަމުރު ސަރުކާރުން ތަންފީޒްކުރުމުން ކަށެވެ. ސަރުކާރުން ބުނަމުން ގެންދަނީ އެ އަމުރު މިހާރު ވަނީ ބާޠިލުވެފައިކަމަށާއި އެ އަމުރު ތަންފީޒުކުރަން ނުޖެހޭނެ ކަމަށެވެ. ސަރުކާރުގެ މި ބުނުން އިދިކޮޅު ފަރާތްތަކުން ޤަބޫލެއް ނުކުރެއެވެ.
After productive engagements with national political and civil society counterparts, @UN_DPA team departs #Maldives this evening
— UN in the Maldives (@UNMaldives) March 27, 2018
