މިފަހަރު ބޭއްވި އިންތިޚާބުގައި އެމްޑީޕީއަށް ކާމިޔާބުކުރެވުނީ 400 ގޮނޑިއެވެ. އެމްޑީޕީ ނޫން ކެންޑިޑޭޓުންނަށް ކާމިޔާބު ކުރެވުނީ 548 ގޮނޑިއެވެ. އެއީ:
ޕީޕީއެމުން ކާމިޔާބުކުރި 325 ގޮނޑި އާއި ޖުމްހޫރީ ޕާޓީން ކާމިޔާބުކުރި 23 ގޮނޑި އާއި އަދާލަތު ޕާޓީން ކާމިޔާބުކުރި 11 ގޮނޑި އާއި އެމްޑީއޭ އިން ކާމިޔާބުކުރި 16 ގޮނޑި އާއި
އަމިއްލަ ގޮތުން ވާދަކޮށް ކާމިޔާބުކުރި 173 ގޮނޑި އާއިއެކު ޖުމުލަ 548 ގޮނޑިއެވެ. މިއީ އެމްޑީޕީއަށްވުރެ 148 ގޮނޑި އިތުރު ޢަދަދެކެވެ.
އިންސައްތައަށް ބަލައިފިނަމަ ކައުންސިލް އިންތިހާބުގައި އެމްޑީޕީއަށް ކާމިޔާބުކުރެވުނީ 43 އެވެ. 57 އިންސައްތަ ކާމިޔާބުކޮށްފައިވަނީ އެމްޑީޕީ ނޫން ކެންޑިޑޭޓުންނެވެ.
ސަރުކާރުން އިއުލާނުކުރި މަޝްރޫޢުތަކާއި ބޭނުންކުރި ނުފޫޒަށްބަލާއިރު މިއީ އެމްޑީޕީއަށް ހޯދުނު "އެހައި ބޮޑު، އެމްޑީޕީ އުންމީދުކުރިވަރުގެ ކާމިޔާބީއެއް ނޫން" ކަމަށް ގިނަބައަކު ބުނެއެވެ. ގިނަ ބައަކު ބުނަނީ ހުސްއަތާ ނުކުމެ އެމްޑީޕީ ނޫން ކެންޑިޑޭޓުން ހޯދާފައިވަނީ މާބޮޑު ކާމިޔާބީއެއް ކަމަށެވެ.
