މިއަހަރުގެ ބަރަކާތްތެރި ރަމަޟާން މަސް ގާތްގަނޑަކަށް ދެބައިވީއެވެ. ހީވާގިކަމާއިއެކު އަޅުކަންކުރަމުން އަންނަ މީހުން އިތުރަށް ހިތްވަރުކޮށްލާށެވެ! މިހައިތަނަށް ހީވާގިނުވެ ތިބި މީހުން މާޔޫސްނުވާށެވެ! އަދިވެސް ވަގުތުއެބައޮތެވެ. އަވަހަށް ކުރިމަތިލާށެވެ!
ރަމަޟާން މަހު އެންމެ އުނދަގޫކަމަކަށްވަނީ ފަހުދިހައިގެރޭތަކުގައި ހީވާގިވެ ލައިލަތުލްޤަދްރްވިލޭރޭ ޙާޞިލުކުރަން މަސައްކަތްކުރުމެވެ! ރަމަޟާންމަހަށް ކުރިމަތިލައި ފަށައިގަތް ހިތްވަރުގައި މަސް ނިންމުމަކީ ކުރަން ފަސޭހަކަމަކަށް ގިނަބައަކަށް ނުވެއެވެ!
މާޔޫސްނުވާށެވެ! އެންމެ މުހިންމީ ހިތްވަރުކުރުމެވެ. ހިތްވަރު އެލުވާނުލައި ކުރިއަށްދާން މަސައްކަތްކުރާށެވެ! ތިބާ އެކަމަށްކުރާ މަސައްކަތް ﷲ ތަޢާލާ ބައްލަވައި ވޮޑިގެންވެއެވެ. ތިބާ ކުރާ ހިތްވަރަށް ޖަޒާ ދެއްވަވާނެތެވެ! އަދި ހިތްވަރު ދެއްވެވުން އެދިގެން މަސައްކަތްކުރާ މީހާއަށް ހިތްވަރުވެސް ދެއްވަވާނެތެވެ! އިން ޝާ ﷲ
- މުފްތީ މެންކުގެ ދަރުސަކުން
