މުޖުތަމައުގެ އާބާދީއަށް ބަލައިފިނަމަ 99 އިންސައްތަ މީހުންނަކީ ކޮންމެވެސް ގޮތަކުން ސިހުރު، އެސްފީނާ ނުވަތަ އިބިލީހުގެ މަޅިތަކުގައި ޖެހި ތާށިވެފައިވާ ބައެކެވެ. ރައްކައުތެރިކަމުގެ ގޮތުން އަޅަންޖެހޭ ފިޔަވަޅުތައް އެޅިނަމަވެސް ބައެއް މީހުންނަށް ރައްކައުތެރިކަމެއް ނުލިބެއެވެ. އެހެންކަމާއިއެކުވެސް ގިނަ މީހުންނަށް ރައްކައުތެރިކަން ނުލިބެނީ ސުންނަތަށް ޢަމަލުނުކުރާތީއެވެ!
ބައެއް މީހުން އެއްގޮތަކަށްވެސް ސުންނަތަށް ޢަމަލުކުރަން ބޭނުމެއް ނުވެއެވެ. އެފަދަ މީހުންނަށް ޛިކުރުކުރުމާއި ހަށިރައްކަލަށް ކުރަންޖެހޭ ކަންކަމެއް ނުކުރެވޭނެއެވެ. އެއީ އެކަންކަން އަަހރެމެންނާއި ހަމައަށް އައިސްފައި މިވަނީ ސުންނަތުން ކަމުގައިވާތީ އެވެ. ޙަދީޘްފުޅުތަކުން ކަމުގައިވާތީއެވެ.
ޙަޤީޤަތުގައި މީހާ ދިފާޢުކޮށް ޙިމާޔަތްކުރެވޭނެ ހުރިހާ ބާރުތަކެއް ލިބެން މިއޮތީ ސުންނަތުންނެވެ. ޙަދީޘްފުޅުތަކުންނެވެ. އެހެނީ ސިހުރާއި އެސްފީނާ އާއި އަދި އިބިލީހުގެ ނުބައިކަމުން ސަލާމަތްވެވޭނެ މަގު އެނގެން އޮތީ ސުންނަތުންނެވެ. ޙަދީޘްފުޅުތަކުންނެވެ. ޙަދީޘްފުޅުތަކުގައިވާ ޛިކުރުތަކުންނެވެ!
ސިހުރާއި އެސްފީނާ އަދި އިބިލީހުގެ ކިބައިންވެސް ތިބާއަށް ސަލާމަތާ ރައްކައުތެރިކަން ލިބޭނެ ފާރަކީ ކީރިތި ޤުރްއާނާއި ރަސޫލް ﷺ ގެ ސުންނަތެވެ. އެކަންކަމުން ސަލާމަތްވާން ކިޔަވަންވީ ސޫރަތްތަކާއި ކިޔަންވީ ޛިކުރުތައް ކިޔާށެވެ. އެފާރު ލެވޭނީ އެއިރުންނެވެ. ތިބާ އެފާރުލައިފިނަމަ ތިބާ ހުންނާނީ އެފަދަ ހުރިހައި ކަންކަމުން ރައްކައުތެރިކަން ލިބިގެންނެވެ. އެފާރު ފޫއަޅުވައިލުމުގެ ބާރު އިންސިއަކަށްވެސް ޖިންނިއަކަށްވެސް ޝައިޠޯނަކަށްވެސް ލިބިގެނެއް ނުވެއެވެ. އިން ޝާ ﷲ
- އިސްލާމީ ތިލަފަތުގެ ދަރުސަކުން
