ބައެއް މީހުންގެ ހިތަށް އުނދަގޫވެ ތަދުވެ ގޮތްގޮތްވަނީ ބައްޔެއްގެ ސަބަބަކުން ނޫނެވެ. ހިތަށް ހަމަޖެހުން ނުލިބޭތީއެވެ. އެފަދަ މީހުން ޢަމަލުކުރަންވީ މިއާޔަތަށެވެ!
اَلَّذِيۡنَ اٰمَنُوۡا وَتَطۡمَٮِٕنُّ قُلُوۡبُهُمۡ بِذِكۡرِ اللّٰهِؕ اَلَا بِذِكۡرِ اللّٰهِ تَطۡمَٮِٕنُّ الۡقُلُوۡبُؕ
"އެއުރެންނީ، އީމާންވި މީހުންނެވެ! އަދި ﷲ ހަނދުމަކުރުމުން އެއުރެންގެ ހިތްތައް ހަމަޖެހޭ މީހުންނެވެ. ހިތްތައް ހަމަޖެހެނީ ﷲ ހަނދުމަކުރުމުން ނޫންހެއްޔެވެ؟" (އައްރަޢްދި :28)
މިއާޔަތަށް ޢަމަލުކުރުންކަމަށް މިބުނަނީ މިއާޔަތް ފުރިހައަށް ޤަބޫލުކުރުމަށެވެ. އަދި ޢާޔަތުގެ މާނަ ޤަބޫލުކޮށް މިއާޔަތުން ހިތްހަމަޖެހުން ލިބިގަތުމަށެވެ!
ހިތްތަކަށްވެސް ކާނާ ބޭނުންވެއެވެ. އޮކްސިޖަންވެސް ބޭނުންވެއެވެ. އެކަންކަން ލިބެން އޮތީ ﷲ ތަޢާލާގެ މަތިން ހަނދުމަކުރިވަރަކުންނެވެ. ޛިކުރުކުރުން ގިނަކުރިވަރަކުންނެވެ.
- އިސްލާމީ ތިލަފަތުގެ ދަރުސަކުން
