އެހެން މީހުން ދައްކައިފާނެ ވާހަކައަކަށް ނުވަތަ ތިބާ އާއިމެދު ވިސްނައިފާނެ ގޮތަކާއިމެދު ތިބާ ޖެހިލުންވަނީ ހެއްޔެވެ؟ ތިބާއަށް ރިޒްޤްދީ ތިބާގެ ޚަރަދުތައް ބަލަހައްޓައިދެނީ އެމީހުންހެއްޔެވެ؟ ތިބާ ދައްކަންޖެހޭ ބިލްތައް ދައްކައިދެނީ އެމީޙުން ހެއްޔެވެ؟
އެމީހުން ތިބާ ޢާއިމެދު ދެކޭނެ ގޮތަކަށް ދެކެން ދޫކޮށްލާށެވެ! އެކަމާއިމެދު ތިބާއަށް ކުރެވޭނެ ހަމައެއްވެސް ކަމެއް ނުއޮންނާނެއެވެ.
އެހެން މީހަކު ފާޑުކިޔައިފާނެނެކަމަށް ބަލައި އެމީހުން ރުހޭހައި ގޮތަކަށް ދީލައިނުލާށެވެ! ﷲ ތަޢާލާ ރުހިވޮޑިގަންނަވާނެ ގޮތުގައި ސާބިތުވާށެވެ. އެހެން މީހުން ދެކޭ ގޮތް ބަދަލުކުރެއްވެވުމާއި މީސްތަކުންގެ ލޯބި ލިބުންވެސް ވަނީ ﷲ ތަޢާލާ މިންވަރުކުރެއްވެވުމުންނެވެ. ﷲ ތަޢާލާގެ ރުހިވޮޑިގަތުން ލިބުމުން މީސްތަކުންގެ ލޯބިވެސް ލިބިގެންދާނެއެވެ. އިން ޝާ ﷲ
- މުފްތީ މެންކުގެ ދަރުސަކުން
