ދައުލަތުގެ އިސްމަޤާމުތަކާއި އަދި ޒިންމާދާރު މަޤާމްތަކާއިވެސް ޙަވާލުވަނީ ﷲ ތަޢާލާ ގަންދީ ހުވާކުރުމަށްފަހުގައެވެ. ސުވާލަކީ ހުވައާ ޚިލާފްވުމަކީ ކައްފާރާދޭންޖެހޭ ކަމަކަށްވާއިރު ﷲ ގަންދީ ހުވާކޮށްގެން ތިބި މީހުންގެ ތެރެއިން ކުރިހުވާގެ މަތީގައި ސާބިތުވެ ތިބީ ކިތައް މީހުންތޯއެވެ؟ ކައްފާރާ ދޭން ނުޖެހި ސަލާމަތްވެވޭނީ ކިތައް މީހުންނަށްތޯއެވެ؟
ތިރީގައިވާ ލިޔުން ވިދާޅުވލައްވާށެވެ!
ﷲ ތަޢާލާ ގަންދީ ހުވާކުރުމަކީ ވަރަށް ބޮޑު ކަމެއް ކަމަށާއި އަދި ހުވައާއި ޚިލާފުވުމަކީ ކައްފާރާ ދޭންޖެހޭ ވަރުގެ ބޮޑުކަމެއް ކަމެއް ކަމަށްވާއިރު އެކަމަށް ބިރުވެތިވުމަށް ޑރ. މުޙައްމަދު އިޔާޟް ޢަބްދުއްލަޠީފް އިލްތިމާސް ކުރައްވައިފިއެވެ.
ޑރ. އިޔާޟް ވިދާޅުވީ އެއީ މިހައި ބޮޑުކަމެއް ނަމަވެސް ބައެއް ބޭފުޅުންގެ ނަޒަރުގައި އެއީ ޤާނޫނީ ގޮތުން ކޮށްލައްވާ ކަމެކެވެ. ހުވާކުރާއިރުވެސް އަދި އެއިގެފަހުންވެސް ހުވައާއި ޚިލާފްވާން ޖެހިލުމެއްވެސް ނުވާ ކަމަށާއި އެކަމަށްޓަކައި ހިތާމަ ކުރައްވާ ކަމަށެވެ.
"ﷲ ތަޢާލާ ގަންދީ ހުވާކުރުމަކީ ވަރަށް ބޮޑު ކަމެކެވެ. ހުވައާއި ޚިލާފުވުމަކީ ކައްފާރާ ދޭންޖެހޭ ވަރުގެ ބޮޑުކަމެކެވެ. ނަމަވެސް ހިތާމައަކީ ބައެއް ބޭފުޅުންގެ ނަޒަރުގައި އެއީ ޤާނޫނީ ގޮތުން ކޮށްލައްވާ ކަމެކެވެ. ހުވާކުރާއިރުވެސް އަދި އެއިގެފަހުންވެސް ހުވައާއި ޚިލާފްވާން ޖެހިލުމެއްވެސް ނުވެއެވެ. މިއީ ވަރަށް ހިތާމަހުރިނ ކަމެކެވެ."
–ޑރ. މުޙައްމަދު އިޔާޟް ޢަބްދުއްލަޠީފް
