ސުވާލު:. ފިރިހެން ބޭފުޅުން ސޯޓް ލައިގެން އަންހެން ކަނބަލުން ބުރުގާ ނާޅާ ޛިކުރު އަދި ޤުރްއާން ކިޔަވާތަން ފެނޭ، އަޢުރަ ނިވާ ނުކޮށް ވުޟޫ ނުކޮށް ޒިކުރު އަދި ޤްރުއާން ކިޔެވުމަކީ ކޮންކަހަލަ ކަމެއްތޯ؟
ޖަވާބު:. بسم الله الرحمن الرحيم , اَلحَمدُالله اَلصَّلاة وَالسَّلام عَلى رَسُوْلِ الله وَعَلى آله وَصَحْبِه وَمَنْ وَعَلَى، وبعد:
އާދެ! ޒިކުރުކުރާއިރު ކޮންމެހެން އަޢުރަ ނިވާކުރާކަށް އަދި ވުޟޫމަތީގައި ހުންނާކަށްވެސް ނުޖެހޭނެ. ޤުރުއާން ކިޔަވާއިރުގައިވެސް ކޮންމެހެން ވުޟޫމަތީހުންނާކަށް އަދި އަޢުރަ ނިވާކޮށްފައި ހުންނާކަށްވެސް ލާޒިމުކަމެއްނޫންއެއީކީއެއް.
އެހެން ނަމަވެސް މުސްޙަފް ގައި ބީހިގެން ކިޔަވާކަމަށް ވަނީނަމަ މުސްޙަފްގައި ބީހުމަށްޓަކައި ވުޟޫކުރަން ޖެހޭނެ. އެހެނެއް ނޫން މިހާރު މީހަކު ހިތުން ޤުރުއާން ކިޔަވަނީ ނޫނިއްޔާ ފޯނުން ބަލައިގެން ކިޔަވަނީ ނުވަތަ ލިޔެފައި އޮންނަ އެއްޗެއް ބަލައިގެން އޭގައި އަތްނުލާ މިސާލަކަށް ޚަތިމް ގައި އަތްނުލައި އޭނާ ކިޔަވާކަމަށް ވަނީނަމައެއަކު އޭނާ ވުޟޫކުރުން ލާޒިމެއް ނުވޭ .
- ޖަވާބު ދެއްވީ: ޑރ. މުޙައްމަދު އިޔާޟް ޢަބްދުއްލަޠީފް
