އޮނަސައްތަ އިސްމްފުޅު އެނގުމަކީ ސުވަރުގެ ވައްދަވާނެ ކަމެއްގެ ގޮތުގައިނ ބަޔާންވެގެންވެއެވެ.
(قُلْ ادْعُوا اللَّهَ أَوْ ادْعُوا الرَّحْمَنَ أَيّاً مَا تَدْعُوا فَلَهُ الأَسْمَاءُ الْحُسْنَى) الإسراء: ١١٠
މާނައީ: "ކަލޭގެފާނު ވިދާޅުވާށެވެ. ތިޔަބައިމީހުން ﷲ ގެ އިސްމުފުޅުން ދުޢާ ކުރާށެވެ. ނުވަތަ رحمٰن ގެ އިސްމުފުޅުން ދުޢާކުރާށެވެ. ތިޔަބައިމީހުން (އެއިލާހުގެ އިސްމިފުޅުތަކުން) ކޮންމެ އިސްމުފުޅަކުން ދުޢާ ކުރިޔަސް (ހަމަހަމައެވެ.) ފަހެ، އެއިލާހަށް الأَسْمَاءُ الْحُسْنَى (އޭ ކިޔުނު އިސްމުފުޅުތައް) ވެއެވެ."
މިއަދު މިގެނެސްދެނީ 8 ނަންފުޅެވެ. ދެން ކޮންމެ ދުވަހަކުވެސް 4 ނަންފުޅު ގެނެސްދޭން މަސައްކަތްކުރާނަމެވެ. އިން ޝާ ﷲ ކިޔުންތެރިން ކޮށްލަދެއްވަންވީ ކަމަކީ ބުރަކަމަކަށް ނުހައްދަވައި ކޮންމެ ދުވަހަކު ހުށަހަޅައިލަ މިދޭ 4 ނަންފުޅާއި މާނަ ހިތުދަސްކޮށްލެވުމެވެ.
"އަސްމާއުލްޙުސްނާ" އޮނަސައްތަ އިސްމްފުޅުގެ މާނަ އާއި ޝަރަޙަ
1. ٱلْرَّحْمَـانُ އަޅުތަކުންނަށް ރަޙްމަތްލައްވާ، އޯގާތެރިވެވޮޑިގަންނަވާ ރިޒްޤު ތަނަވަސް ކޮށްދެއްވާ އިލާހު.
2. ٱلْرَّحِيْمُ: އެއިލާހުގެ އަޅުތަކުންގެ ތެރެއިން އީމާންކަމުގެ އަހްލުވެރިންނަށް ޚާއްޞަގޮތެއްގައި ރަޙްމަތްލައްވާ, އަދި އެބައިމީހުން ކުރާ ހެޔޮޢަމަލުތަކަށް މެދުކެނޑުމެއްނެތި ހެޔޮޖަޒާ ދެއްވާ އިލާހު.
3. ٱلْمَلِكُ: އެއިލާހުގެ މިލްކިއްޔާތުގައިވާ ކަންތައް ތަންފީޛު ކުރައްވާ ތަޞައްރުފް ކުރައްވ އިލާހު.
4. ٱلْقُدُّوسُ: އެންމެހައި ޢައިބު ޞިފަތަކުން ހުސްޠާހިރުވެވޮޑިގެންވާ, ދަރިކަލަކު އަދި ބައިވެރިޔަކުވެސް ނުވާ އިލާހު.
5. ٱلْسَّلَامُ: ހުރިހާ ޢައިބުތަކުން ސަލާމަތްވެ ވޮޑިގެންވާ,އާފަތްތަކުން ބަރީއަވެ ވޮޑިގެންވާ, މުއިމިނުންނަށް ޢުގޫބާތް ދެއްވުމުން ސަލާމަތްވެ ވޮޑިގެންވާ އިލާހު.
6. ٱلْمُؤْمِنُ: އެއިލާހުގެ އަމިއްލަ ޛާތުފުޅު ތެދު ކުރައްވާ, އަދި އެއިލާހުގެ އަޅުތަކުން އެއިލާހު ތެދުކޮށްފައިވާ އިލާހު .
7. ٱلْمُهَيْمِنُ: އެއިލާހުގެ އަޅާ ބުނާ ބަސްތަކާއި ކުރާކަންތައް މޮޅަށް ދެނެވޮޑިގެންވާ, އެއްވެސް ކަމެއް އެއިލާހަށް ވަންހަނާވެ ވޮޑިގެން ނުވާ އިލާހު.
8. ٱلْعَزِيزُ: އެއްވެސް ފަރާތަކަށް އެއިލާހުގެ މައްޗަށް ގަދަވެ ނުގަނެވޭ, ގަދަފަދަވަންތަ އިލާހު.
- އިސްމްފުޅުތަކާ ތަރުޖަމާ: ޑރ. މުޙައްމަދު އިޔާޟް ޢަބްދުއްލަޠީފް
