އިބްން ޢުމަރު ރަޟިޔަﷲ ޢަންހް ވިދާޅުވެފައިވަނީ ތިމަންކަލޭގެފާނު ކުރައްވަވާ ހުރިހާ ނަމާދުތަކެއްގެ ތެރެއިން އެންމެ 2 ރަކްޢަތް ނަމާދެއް ނަމަވެސް ﷲ ތަޢާލާ ޤަބޫލުފުޅު ކުރައްވަވައިފިކަން އެނގިވަޑައިގެންފިނަމަ ތިމަންކަލޭގެފާނަށް ފުދިވަޑައިގަތީއެވެ.
އެހެނީ ހެޔޮ ޢަމަލުތައް ﷲ ތަޢާލާ ޤަބޫލުފުޅު ކުރައްވަވާނީ ތަޤްވާވެރިންގެ ކިބައިންނެވެ.
އަޅުގަނޑުމެން ބާލިޣްވީންސުރެ އެބަ ނަމާދުކުރަމެވެ. 50. 60، 70 އަހަރުވެގެންދާއިރު ކިހާބައިވަރު ނަމާދުތަކެއް ކުރެވޭނެ ހެއްޔެވެ؟ އަމިއްލަ ނަފްސާއި ކުރަންޖެހޭ ސުވާލަކީ ހަމަ އެންމެ ނަމާދެއްވެސް ﷲ ތަޢާލާ ޤަބޫލުފުޅު ކުރައްވަވާނެ ފެންވަރުގައި ކުރެވިއޖެހެއްޔެވެ؟
އަޅުގަނޑުމެން ކޮންމެ ނަމާދެއްވެސް ކުރަން މަސައްކަތްކުރަންވީ އެނަމާދަކީ ﷲ ތަޢާލާ ޤަބޫލުފުޅުކުރައްވަވާނެ ފެންވަރަށެވެ. ވީމާ ނަމާދުކުރަމުންގެންދަންވީ އެކަމަށް އުންމީދުކުރެވޭނެ ފެނަވަރުގައެވެ. އަޅުގަނޑުމެންގެ ހުރިހާ ވެސް އުންމީދަކަށްވާނޖެހޭނީ އަޅުގަނޑުމެން ކުރާ ނަމާދު ﷲ ތަޢާލާ ޤަބޫލުފުޅުކުރެއްވެވުމެވެ.
- ޝައިޚް ނިމާލް މުޙައްމަދުގެ ދަރުސަކުން
ގުޅުންހުރި ވީޑިއޯ:
