މިއަދުގެ ގިނަ މުސްލިމުން ކަންބޮޑުވަނީ ހަމައެކަނި އެމީހުންނަށް އަނިޔާލިބުމުން ކަމަށާއި އިންޑިއާ އާއި ފަލަސްޠީނުގައި މުސްލިމުންނަށް ކުރާ އަނިޔާތަކަށް ގިނަ ބައަކު ކަންބޮޑު ނުވާކަމަށް ޝައިޚް ފަޟްލޫން މުޙައްމަދު ވިދާޅުވެއްޖެއެވެ.
ބޮޑުގެ ވަގުތީ މިސްކިތުގައި ދަރުސް ދެއްވަމުން ޝައިޚް ފަޟްލޫން ވިދާޅުވީ މިއީ މުސްލިމުން ޢަމަލުކޮށްގެންވާނެ ގޮތް ނޫންކަމަށެވެ. އަދި އެގޮތަށް ޢަމަލުކުރާނަމަ އެޢަމަލުކުރެވެނީ ސުންނަތާ ޚިލާފަށް ކަމަށެވެ.
ޝައިޚް މިމޭރުމުން ވިދާޅުވެފައިވާއިރު އިންޑިއާގެ މުސްލިމުންނަށް އިންޑިއާގެ ސިފައިންނާއި ފުލުހުން ގެންދަނީ ކެނޑިނޭޅި އަނިޔާކޮށް މުސްލިމުން ޝަހީދުކުރަމުންނެވެ. އަދި ހައްދުފަހަނައަޅާފައިވާ ޔަހޫދީން ގެންދަނީ މެދުކެނޑުމެއް ނެތި ފަލަސްޠީނުގެ މުސްލިމުންނަށް އަނިޔާކޮށް ޝަހީދުކުރަމުންނެވެ.
