رَبَّنَا آمَنَّا فَاغْفِرْ لَنَا وَارْحَمْنَا وَأَنتَ خَيْرُ الرَّاحِمِينَ
"އަޅަމެންގެ ވެރިރަސްކަލާކޮ! އަޅަމެން އީމާންވެއްޖައީމުއެވެ. ފަހެ، އަޅަމެންނަށް ފާފަފުއްސަވައި، އަޅަމެންނަށް ރަޙްމަތް ލައްވަވާނދޭވެ! އިބަރަސްކަލާނގެއީ، ރަޙްމަތް ލައްވަވާ އެންމެހެޔޮ ރަސްކަލާނގެއެވެ." (އަލް މުއްމިނޫން: 109)
މިދުޢާގެމާނައަށް ބަލައިފިނަމަ ﷲ ތަޢާލާގެ ޙަޟްރަތުގައި ނިކަމެތިކަމާއިއެކު ފުރަތަމަ މިދަންނަވަނީ ތިމާ މިހުރީ ﷲ ތަޢާލާއަށް އީމާންވެގެންކަމަށެވެ. ދެން މިއެދި އާދޭސްދަންނަވަނީ ކުރެވިފައިވާ ފާފަތައް ފުއްސަވައި ރަޙްމަތް ލައްވަވައިދެއްވުން އެދިއެވެ.
މިއީ މިމަފަދަ މޫސުމެއްގައި ސަޖިދައިގައި އޮވެގެންވެސް އަދި ދެއަތް އުފުލައިވެސް ގިނަގިނައިން ކުރަން އޮތް ދުޢާއެކެވެ.
- އިސްލާމީ ތިލަފަތުގެ ދަރުސަކުން
