ރޯގާޖެހުން، ހުންއައުން ފަދަ ކަންކަން މެދުވެރިވުމުން ބައެއް މީހުން ވަރަށް ފަސޭހައިން މޫސުމާއަޅުވައި ނިންމައިލައެވެ. އެއީ މޫސުމުގެ ސަބަބުން މެދުވެރިވި ޙާލަތެއްކަމަށް ހަދައެވެ.
ކަމުގެ އަޞްލަސް ބަލައިފިނަމަ މޫސުން ފިނިވެ ހޫނުގަދަވަނީ އެކަމަށް ﷲ އިރާދަކުރެއްވެވުމުންނެވެ. މޫސުން ކިތަންމެ ފިނިގަދަވިނަމަވެސް އެންމެން ހުމެއް ނައުދެއެވެ. އެންމެންނަކަށް ރޯގާއެއްވެސް ނުޖެހެއެވެ.
އެކަންކަން ކުރިމަތިވަނީ ނުވަތަ ބަލިވަނީ ﷲ ތަޢާލާ އިރާދަކުރެއްވެވި އަޅެކެވެ. ވީމާ ބައްޔެއްވާއިރަށް މޫސުމާ އެކަނި އަޅުވައި ނިންމައިނުލާށެވެ. އެއީ މޫސުމުގެ ގޮތުން މެދުވެރިވިކަމެއް ނަމަވެސް މެއެވެ. ކޮންމެ ކަމެއްވެސް މެދުވެރިވާނީ އެކަމަށް ﷲ ތަޢާލާ މިންވަރުކުރެއްވެވުމުން ކަމުގައިވާތީއެވެ. މިކަންކަމަކީ މުސްލިމުން ވަރަށް ބޮޑަށް ވިސްނަން ޖެހޭނެ ކަންކަމެވެ.
- އިސްލާމީ ތިލަފަތުގެ ދަރުސަކުން
ގުޅުންހުރި ލިޔުން:
