ތަފާތު ސަބަބުތައް މެދުވެރިވެ މުސްލިމް ނޫން ޤަުމުތަކުގައި ދިރިއުޅެންޖެހިފައިވާ މީހުންވެސް މަދެއް ނޫނެވެ. އެފަދަ ޤައުމެއްގައި އުޅެންޖެހުނު ނަމަވެސް ޢަމަލޔައް ބަހައްޓަންޖެހޭ ނީ ﷲ ތަޢާލާ އަންގަވާފައިވާ މަގުންނެވެ.
ﷲ ތަޢާލާ އަށާއި، އެކަލާނގެ ރަސޫލާ ﷺ އަށް ކާފިރުވެ އަދި ފާސިޤުން ކަމުގައިވާ ޙާލު މަރުވި މީހުންގެ މަހާނަދަށުގައި ހުއްޓި ހުރުން ﷲ ތައާލާ ވަނީ މަނާ ކުރައްވަވައިފައެވެ. އެކަން ނުކުރުމަށް އަމުރުފުޅު ކުރައްވަވައިފައެވެ.
"އެއުރެންގެ ތެރެއިން މަރުވި އެއްވެސް މީހެއްގެ މައްޗަށް ކަލޭގެފާނު ދުވަހަކުވެސް ކަށުނަމާދު ނުކުރައްވާށެވެ! އަދި އެމީހެއްގެ މަހާނަދޮށުގައިވެސް ކަލޭގެފާނު ހުއްޓިވަޑައިގެން ނުހުންނަވާށެވެ! ހަމަކަށަވަރުން، އެއުރެން ﷲ އަށާއި، އެކަލާނގެ ރަސޫލާއަށް ކާފިރު ވޫއެވެ. އަދި އެއުރެން މަރުވީ، ފާސިޤުން ކަމުގައިވާ ޙާލު ގައެވެ." (ތައުބާ: 84)
މިއީ ޚާއްޞަކޮށް ބޭރު ޤައުމުތަކުގައި ދިރިއުޅޭ ދިވެހިންނާއި ބޭރު ޤައުމުތަކަށް ޒިޔާރަތްކުރާ ދިވެހިން ވަރަށް ބޮޑަށް ސަމާލުކަން ދޭން ޖެހޭނެ ކަމެކެވެ. ނުއެނގި ތިބެ ނަމަވެސް މިފަދަ ކަންކަން ބައެއެ މީހުންނަށް އެބަ ކުރެވެއެވެ. ކާފިރުންގެ ޖަނާޒާތަކުގައިވެސް އެބަ ބައިވެރިވެއެވެ
