ވުޟޫމަތީގައި ހުރުމަކީ ވަރަށް ގިނަ ފައިދާތައް އެމީހަކަށް ކުރާނެ ކަމެކެވެ. ވުޟޫކުރާ ކޮންމެ ފަހަރަކު ވުޟޫކުރާއިރު އޮހޮރިގެންދާ ފެންތަކާއިއެކު ތިމާގެ އެތައް ބައިވަރު ފާފަތަކެއް ފުހެވިގެންދެއެވެ.
އަދިކީއްހެއްޔެވެ؟ އަބަދުވެސް ވުޟޫ މަތީގައި (ވުޟޫކޮށްގެން) ހުންނަން މަސައްކަތްކުރާނަމަ އިން ޝާ ﷲ މަރުގެ މަލާއިކަތާ ވެސް ތިބާ އާއި ބައްދަލުކުރައްވަވާނީ ވުޟޫމަތީގައި ހުއްޓައެވެ. އެއިރުން ތިބާގެ ހަށިގަނޑަކީ ކިހައި ޠާހިރު ހަށިގަނޑަކަށް ވާނެ ހެއްޔެވެ؟
މަރުގެމަލާއިކަތާ ތިބާގެ ފުރާނަ ހިއްޕެވުމަށްފަހު ފުރަތަމަ ގެންދަވާނީ ﷲ ތަޢާލާގެ ޙަޟްރަތަށެވެ. ވީއިރު ތިބާގެ ފުރާނަ ނެރުއްވެވީ ވުޟޫމަތީގައި މަތީގައި ހުރި ހަށިގަނޑަކުން ކަމުގައި ވުމަށް ތިބާ ނުއެދޭނަމު ހެއްޔެވެ؟
ވުޟޫމަތީގައި ހުރުމަކީ ތިމާގެ ހިތުގައި ﷲ ތައާލާއަށް ލޯބި އަންގައިދޭ ކަމެކެވެ. ކިޔަމަންތެރިކަން އަންގައިދޭ ކަމެކެވެ. ﷲ ތަޢާލާގެ ޙަޒްރަތަށް ކުށްތަންވެގެން ހުރިކަން އަނގައިދޭ ކަމެކެވެ. ހަމަ އެކަނި މިބަޔާން ކުރި މިންވަރުންވެސް އަބަދުމެ ވުޟޫ މަތީގައި ހުރުމުގެ ފައިދާ އެނގިގެންދެއެވެ.
- އިސްލާމީ ތިލަފަތުގެ ދަރުސަކުން
