އަހަރެމެންކުރާ ކޮންމެ ކަމެއްވެސް ކުރަނީ އަހަރެމެންނަށްޓަކައެވެ. ކުރަންވީވެސް ހަމަ އެމީހަކަށްޓަކައެވެ. އެހެނީ މީހަކަށްޓަކައި ކަމެއްކޮށްދިނަސް އެކަންކޮށްދިން މީހާއަށް ޘަވާބު ދެއްވަވަތެވެ. ތިބާއަށްޓަކައި ތިބާއަށް ކުރެވޭނެ އެންމެ ހެޔޮ ކަންކަން ބައިވަރެވެ. އެއިގެ ތެރެއިން ބައެއް ކަންކަމަކީ:'
އެހެން މީހުން ތިބާ އާއިމެދު ކަންކަން ކުރާ ގޮތަށްވުރެ ރަނގަޅަށް ތިބާ އެމީހުންނަށް ކަންކަން ކުރުން
ތިބާއަށް ނުބައި މީހުންނަށް ހެޔޮވުން
މާފުކުރުމުގައި އިސްނެގުން
ދުލުން ހެޔޮ ބަސްތައް ބުނުން
ހިނިތުންވުމާއިއެކު ކުރިމަތިލުން
ސަލާމް ކުރުމުގައިވެސް އިސްނެގުން
މިއިން ކޮންމެ ކަމަކީވެސް ތިބާއަށްޓަކައި ތިބާއަށް ކުރެވިދާނެ ކަންކަމެވެ. އެއިން ކޮންމެ ކަމަކުންވެސް ދެދުނިޔޭގައިވެސް ތިބާއަށް ފައިދާކުރާނެއެވެ! އިން ޝާ ﷲ
