"ހުކުރު ދުވަހާ ޢަރަފާތް ދުވަސް ދިމާވެއްޖެނަމަ، ހުކުރު ދުވަހު އެކަނި ރޯދަ ހިފުމުން ފުދޭނެ! ހުކުރުދުވަހު ރޯދަ ހިފުން މަކުރޫހައީ ހަމައެކަނި އެދުވަސް ޚާއްސަކޮށްގެން ރޯދަހިފާނަމަ! ހުކުރުދުވަސްވެގެން އެދުވަސް ޚާއްސަކުރަން ހިފާރޯދައެއްނޫން ޢަރަފާތްދުވަހު ރޯދައަކީ!"
- ޝައިޚް ޢަލީ ޒައިދު
ޙައްޖުމަސް ފެށުނީންސުރެ ގިނަ ބައަކު މިހާރުވެސް ދަނީ ކޮންމެ ދުވަހަކު ނުވަތަ އެމީހަކަށް ކެރިކުޅަދާނަވީ މިންވަރަކުން ރޯދަހިފަމުންނެވެ! އެކަން އެނގެނީ މިސްކިތްތަކުގައި ކޮންމެ ދުވަހަކުވެސް ފަތުރައިލެވޭ ސުފުރާތަކުންނެވެ.
ޚަބަރުގައި އެވަނީ ހާބަރު ކަޑަތައް ކައިރީގައި އަމީނީމަގުގައި ހުންނަ ވިޔަފާރިވެރިންގެ މިސްކިތުގައި ރޯދަ ވީއްލުމަށް އަތުރައިލެވޭ ސުފުރާއެވެ. ސުފުރާ ގެ މައި ސްޕޮންސަރަކު ހުންނަވައެވެ. އެއިގެ އިތުރުންވެސް ބައެއް ފަރާތްތަކުން ތަކެތި ހަދިޔާ ކުރައްވައެވެ.
