ކުޅިވަރު ޙަރާމްކަމަށް އެއްވެސް ޢިލްމުވެރިއަކު ވިދާޅުނުވާކަމަށާއި ނަމަވެސް ކުޅިވަރެއްގައި ހިމެނޭ އިސްލާމްދީނާއި ޚިލާފް ކަމެއްގެ ސަބަބުން ވަކި ކުޅިވަރެއް ހުއްދަ ނުވެދާނެކަމަށް ޝައިޚް މުޙައްމަދު ޝިފާން ވިދާޅުވެއްޖެއެވެ.
އެގޮތުން ބޮޑީ ބިލްޑުކުރުމަކީ ޙަރާމްކަމެއް ނޫންކަމަށާއި އެކަމަކު ޢައުރަ އިސްތިހާރު ކުރުމަކީ ޙަރާމްކަމެއް ކަމަށާއި ތަފާތު ދެނެގަންނަން ޖެހޭނެ ކަމަށްވެސް ޝައިޚް ޝިފާން ވަނީ ވިދާޅުވެފައެވެ.
ފެތުމަކީ ހުއްދަ ކަމެއް ކަމަށާއި ނަމަވެސް ސްވިމް ސޫޓްލައި އަޢުރަ ދައްކައިގެން މީސްތަކުންގެ ކުރިމަތީގައި ފެތުން ހުއްދަނުވާނެ ކަމަށްވެސް ޢިލްމުވެރިން ބަޔާން ކުރައްވައެވެ.
ދީނުގައި މިކަންކަން އޮންނަގޮތް ޢިލްމުވެރިން ބަޔާން ކުރެއްވުމުން ޢިލްމުވެރިންނަށް ކުރާ ފުރައްސާރަތަކަކީ އިސްލާމް ދީނުގެ ކަންކަމަށް ކުރާ ފުރައްސާރަތައް ކަމަށްނުވެ ނުދާނެ ގޮތެއް ނެތް ނަމަވެސް އެފަދަ ކަންކަން ބަލާނެ ފަރާތެއް ރާއްޖޭގައި ނެތުމުން ގިން ބައަކު ކަންބޮޑުވެއެވެ.
ކުޅިވަރު ޙަރާމްކަމަށް އެއްވެސް ޢިލްމުވެރިއަކުން ވިދާޅުނުވޭ. ނަމަވެސް ކުޅިވަރެއްގައި ހިމެނޭ އިސްލާމްދީނާއި ޚިލާފް ކަމެއްގެ ސަބަބުން ވަކި ކުޅިވަރެއް ހުއްދަ ނުވެދާނެ.
— Mohamed Shifan (@abu_auyun) July 12, 2022
ބޮޑީ ބިލްޑުކުރުމަކީ ޙަރާމްކަމެއް ނޫން އެކަމަކު ޢައުރަ އިސްތިހާރު ކުރުމަކީ ޙަރާމްކަމެއް! ތަފާތު ދަނެ ގަނޭ! https://t.co/HopxSLOOhp
