ފިރިމީހާ ގާތު ނަމާދުކުރަން ބުނެފިނަމަ ރުޅިގަދަވެއެވެ. ބައެއް ފަހަރު އިންކާރުވެސް ކުރެއެވެ! އެޙާލަތުގަ ކައިވެނި ޞައްޙަވާނެތޯ؟
ކިޔުންތެރިޔާގެ ސުވާލަށް ތިރީގައިވާ ލިޔުމުން ޖަވާބު ލިބޭނެ ކަމަށް އުންމީދުކުރަމެވެ.
ނަމާދުކުރުމަށް ދެމަފިރިންވެސް އެކަކު އަނެކަކަށް ހިތްވަރުދޭންވާނެއެވެ. ވާގިވެރިވާން ވާނެއެވެ. އަނިބިމީހާ ފިރިމީހާއަށް ވާގިވެރިވާން ވާނެއެވެ. ފިރިމީހާ އަނބިމީހާއަށް ވާގިވެރިވާން ވާނެއެވެ.
މިއީ ކެތްތެރިވާން ވެސް ޖެހޭ ކަމެކެވެ. ނަމާދުކުރުމުގެ އާދަ ހިފިފައި ނެތް މީހަކަށް ކުއްލިއަކަށް ނަމާދުކުރަން ފެށުމަކީ އެހައި ފަސޭހަކަމަކަށްވެސް ނުވެދާނެއެވެ. ވީމާ ނަޞޭޙަތްތެރިވުމާއިއެކު ކެތްތެރިވާން ޖެހޭނެއެވެ.
މިގޮތުން ކުރެވޭ މަސައްކަތުގެ ނަތީޖާ ފެނުން ގާތްވާނެއެވެ. ނަމަވެސް ކަނޑައެޅިގެން ނަމާދުކުރަން ދެކޮޅު ހަދައި އިންކާރުރުކޮށްފިނަމަ އެއީ އޮޓޮމެޓިކުން ކައިވެނި ރޫޅިގެންދާ ޙާލަތެކެވެ. ނަމަވެސް މައްސަލަ ނިންމަންވާނީ ޝަރުޢީ މަރުޙަލާގެ ތެރެއިން ކޯޓުތަކުންނެވެ.
- ޝައިޚް މުޙައްމަދު ޠައްޔިބް ޢަބްދުލްޙަކީމްގެ ބަސްފުޅަކުން
ގުޅުންހުރި ވީޑިއޯ:
https://www.facebook.com/watch/?v=241578030554411
