ސުވާލު:. ސިހުރަކީ އެ ހެދުމުން ވަޤުތުން ލަހެއް ފަހެއް ނެތި ޖެހޭ އެއްޗެއްތޯ؟
ޖަވާބު:. ބައެއް ފަހަރު އެގޮތަށް ވެފައިވެސް އެބަހުރި، ލަސްވެފައިވެސް އެބަހުރި، ނަމަވެސް ﷲ ގެ އިޒުނައާލައިގެން މެނުވީ އެއަކުން ގެއްލުމެއްވެސް ފައިދާއެއްވެސް ނުވާނެ، ވީމާ، އެއިން ރައްކާތެރި ވުމަށްޓަކައި ހެނދުނާއި ހަވީރުގެ ޒިކުރުތަކައް ފަރުވާތެރި ވާންވާނެ. މީގެ އިތުރުން ބަރާބަރަށް ނަމާދު ކުރުމާއި، ޙަރާމް ކުރެއްވި އެންމެހާ ކަންތައްތަކުން ދުރުހެލިވެ ރައްކާތެރިވުމަށް ޚާއްޞަ ސަމާލުކަމެއް ދޭންވާނެ.
ސުވާލު:. ސިހުރު ހަދާފައި ހުންނަ ގެ ތަޅާލަންޖެހޭ ވާހަކަ އަޑު އިވޭ، މިއީ ކޮންކަހަލަ ކަމެއްތޯއެވެ؟
ޖަވާބު:. ރަނގަޅު ވާހަކައެއް ނޫން.
ޖަވާބު ދެއްވީ: ޑރ. މުޙައްމަދު ޢިޔާޟު ޢަބްދުލްލަތީފް
އިތުރު ސުވާލެއް:
ސުވާލު:. ތާންގީގައި ހުންނަ ފެން ވުޟޫ ކުރަން މަކުރޫހަ ވާނެތޯ؟ އެއްވެސް ޙާލަތެއްގައި.
ޖަވާބު:. ފެނުގެ ވަހަށް ނުވަތަ ރަހައަށް ބަދަލެއް ނާންނަ ނަމަ ވުޟޫ ކުރަން ރަނގަޅު ވާނެ.
ޖަވާބު ދެއްވީ: ޑރ. މުޙައްމަދު ޢިޔާޟު ޢަބްދުލްލަތީފް
