عليّ بن أبي طالب رضي الله عنه އަށް ދެއްނެވުނެވެ. އަޅުތަކުންގެ ގިނަކަމާއެކު، މާތް ﷲ އެބައިމީހުންގެ ޙިސާބުބައްލަވާނީ ކިހިނެއްތޯއެވެ! ޖަވާބުގައި ވިދާޅުވިއެވެ. "އެބައިމީހުންގެ މެދުގައި ރިޒްޤު ބައްސަވާފަދައިންނެވެ."
ވިސްނަވާލައްވާށެވެ! ﷲ ތަޢާލާ ރިޒުޤް ދެއްވަވަނީ ހަމައެކަނި އިންސާނުންނަކަށް ނޫނެވެ. ކުދިކުދި ހިނިތަކުން ފެށިގެން އެންމެ ބޮޑެތި ޖަނަވާރުތަކަށް ދިރިތިބެވެނީ ﷲ ތަޢާލާ އެތަކެއްޗަށް ރިޒުޤް ދެއްވަވާތީއެވެ. ބިމުގެ އަޑީގައާއި ކަނޑުގައި އުޅޭ ތަކެއްޗަށްވެސްމެއެވެ.
ދުނިޔޭގެ ހުރިހާ ޤައުމުތައް ގުޅިގެން ކުރަން އުޅުނަސް އެކަމެއް ނުކުރެވޭނެއެވެ. ނަމަވެސް ﷲ ތަޢާލާ ކޮންމެ ދުވަހަކު އެއްޗެއް ކޮންމެ ތަނެއްގައިވީނަމަވެސް ދިރޭ ހުރިހާ އެއްޗަކަށް އެދުވަހަކަށް އެއެއްޗަކަށް ކަނޑައަޅުއްވަވާފައިވާ ރިޒުޤް ދެއްވަވަތެވެ.
ޢަލީގެފާނު ވިދާޅުވެފައި އެވަނީ އެފަދަ މަތިވެރިވަންތަކަމާއި ކުޅަދުންވަންތަކަން ލިބިވޮޑިގެންވާ ކަލަކަށް ޤިޔާމަތްދުވަހު މީސްތަކުންގެ ހިސާބު ބައްލަވައިލެއްވެވުން ވާނީ އިންތިހާއަށް ފަސޭހަފުޅު ކަމަކަށެވެ.
- އިސްލާމީ ތިލަފަތުގެ ދަރުސަކުން
